كولیژا یاسا
ئەڤ سەنتەرە هاتیە دامەزراندن ل کولیژا یاسا وزانستێن رامیارى ل ریکەفتى (٢٩/٥/٢٠١٧) ژبو کارکرن لسەر هاندان وپێشڤەبرنا ڤەکولینێن یاساى ورامیارى بمەرەما خزمەتکرنا هەریمێ د هەمی بوارادا، هەروەسا کارکرن لسەر پێشڤەبرنا بنەمایێن نڤیسینا ڤەکولینێن ئەکادیمى لدەڤ قوتابى وڤەکولەرا ژبو پێشڤەبرنا ئاستێ ڤەکولینێن زانستى ل هەریمێ بو ئاستیێن زانستى یێن بلند، زێدەبارى بەلاڤ کرنا رەوشەنبیریا یاسایى دناڤ کومەلگەهى دا.
ئارمانجا سەنتەرى:
راکێشانا شیانێن ڤەکولینێن راستخواز دناڤ هەریمێ ودەرڤەى هەریمێ ژبو بشکداریکرن دچیکرنا ڤەکولینێن یاساى یێن موکم ل دور یاسایێن بەکار ژبو ڤەدیتنا چارەسەریا ئاریشێن پێتڤى بو چارەسەریێ، وبەلاڤ کرن وهاوبەشیکرنا وان دگەل لایەنێن پەیوەندیدار ب مەرەما وەرگرتنا مڤاى ژ وان ڤەکولینا، هەروەسا سەنتەر کاردکەت بو ئاڤاکرنا مینبەرەکا ئەکادیمى بو گەنگەشەکرنا هزروبیرێن دبنە جهى خزمەتى بو هەریمێ دبوارى دەرکرنا یاساین نوى وپێشڤەبرنا یاسایێن بەکار، هەروەسا خورتکرنا پەیوەندیا دناڤ بەرا زانکویێ و رێڤەبەریێن میرى ورێکخراوێن جڤاکێ سڤیل.