دیتن ، پەیام و بەهایێن سەرەکی

ب خێرهاتنا وە دکەین بۆ لاپەڕێ فەرمی یێ کو تیشکێ دئێخیتە سەر دیتن، پەیام، و بهایێن سەرەکی یێن زانکۆیا دهۆک (UoD)، ل جهێ کو نایابی د فێرکرنێ، ڤەکۆلینێن زانستی، و خزمەتکرنا جڤاکی دا یەکدگرن ژ بۆ دروستکرنا ژینگەهەکا ئەکادیمی یا گۆهڕینخواز. ب پشتبەستن ب چوارچێوەیەکێ کاری یێ ڕوون و پالپشتکری ب سیاسەتان، ئەڤ بنەما و پرەنسیپێن ڕێنماییکەر ستراتیژیەتا دەمدرێژ یا زانکۆیێ دادڕێژن و پاشەڕۆژەکا گەش ل سەر هەردوو ئاستێن هەرێمی و جیهانی مسۆگەر دکەن.

The Vision of the Center

دیتنا مە
ئەوین ببینە دامەزراوەیەکا پێشەنگ کو هێز و شیانان بدەتە قوتابیان ژ بۆ ب دەستڤەئینانا نایابیێ د جڤاکەکێ دینامیکی دا. ب ڕێکا پڕۆگرامێن ئەکادیمی یێن باوەڕپێکری ل سەر ئاستێ جیهانێ، ب هێزکرنا قوتابیان، بەرپرسیارەتیا جڤاکی، و داهێنانا بەردەوام، زانکۆیا دهۆک پێشەنگیا کاروانێ فێرکرنێ دکەت. ئەم وەرچەرخانا (گۆهڕینا) دیجیتاڵی و تەکنۆلۆژیایا پێشکەفتی پەیڕەو دکەین ژ بۆ ئامادەکرنا قوتابیێن مە بۆ سەردەمێ دیجیتاڵی، دگەل بەرەڤپێشبرن و موکومکرنا پێگیریێ ب پاراستن و پارێزگاریکرن ل ژینگەهێ.

The Mission’s Objectives

پەیاما مە
زانکۆیا دهۆک یا پێگیرە ب:

- بەرەڤپێشبرنا جڤاکەکێ ئەکادیمی یێ داهێنەر و زیرەک ل ڕوویێ ئەلکترۆنی ڤە، ب ڕێکا ڕێبازا وەرچەرخانا دیجیتاڵی کو فێرکرن و تەکنۆلۆژیایێ تێکەل دکەت.

- پێشکێشکرنا پڕۆگرامێن فێرکرنێ یێن دانپێدانکری ل سەر ئاستێ هەرێمی و نێڤدەولەتی بۆ قوتابیان.

- دروستکرنا کەمپەکێ زانکۆیێ یێ کەسک و هەڤالێ پیادەڕەویان کو ژینگەهەکا فێرکرنێ یا کارلێککەر (لێکگۆهڕ) و هاندەر ژ ڕوویێ هزری و ئەکادیمی ڤە بەرەڤپێش دبەت.

- پشکداریا کارا د خزمەتکرنا جڤاکی دا دگەل مسۆگەرکرنا دابینکرنا دەلیڤەیێن فێرکرنێ یێن گشتگیر، بەردەست، و ئیلهامبەخش.

  1. یەکسانی
    ئەم پێشینەیێ (پێشەنگیێ) ددەینە یەکسانیێ، ب ڕێکا دروستکرنا ژینگەهەکا زانکۆیێ کو هەمی کەس ب دادپەروەری سەرەدەری دگەل بهێتە کرن و دەلیڤەیێن یەکسان یێن سەرکەفتنێ بۆ بهێنە دابینکرن، بێی ڕەچاوکرنا پاشخان یان ناسنامەیێن وان.
  2. شەفافیەت (ڕوونی)
    ئەم پەیوەندییا ڤەکری، لێپرسینەڤە، و بەردەستکرنا پێزانینان بەرەڤپێش دبەین، کو ئەڤ چەندە باوەری و دەستپاکییێ د هەمی بڕیار و پرۆسەیێن مە دا مسۆگەر دکەت.
  3. دەستپاکیا ئەکادیمی
    ئەم پێگیرین ب ڕاستگۆیی، ڕەفتارێن ڕەوشتی، و پێگیرییا هزری د وانەگۆتن، فێربوون، و ڤەکۆلینان دا، دگەل پێشخستنا کەلتوورێ بەرپرسیارەتی و ڕەسەنیێ.
  4. ڕێزگرتن
    ئەم بها ددەینە دیتن و بۆچوونێن جودا، و کەلتوورێ ڕێزگرتنا هەڤدو و پڕۆفیشناڵیێ د ناڤ جڤاکێ مە یێ گشتگیر یێ زانکۆیێ دا پێش دێخین.
  5. دلسۆزی
    ئەم هاندانا پێگیری، هەڤکاری، و شانازیێ دکەین د ناڤبەرا قوتابی، فەرمانبەر، و دەرچوویان دا، دگەل ب هێزکرنا هەستەکێ کویر یێ پێگیریێ بەرامبەر زانکۆیێ و گەشەپێدانا نیشتمانی.

ل زانکۆیا دهۆک، بوونا مە وەکو دامەزراوەیەک کو ب ڕێکا سیاسەتان دهێتە بڕێڤەبرن، مسۆگەر دکەت کو هەمی بڕیار ل گەل پێشینەیێن مە یێن ستراتیژی و ئارمانجێن مە یێن دەمدرێژ دگۆنجن. ئەڤ پێگیریە ب حوکمڕانیا دروست ئەڤان خالان پێش دێخیت:

  • هەڤگرتن (ڕێک و پێکی): سیاسەتێن ڕوون ئاراستەیا پرۆسەیێن مە یێن ئەکادیمی و کارگێڕی دکەن، کو شەفافیەت و لێپرسینەڤەیێ مسۆگەر دکەن.
  • پلان دانانا ستراتیژی: هەمی دەستپێشخەری ل گەل پلانا ستراتیژی یا زانکۆیا دهۆک 2023–2038 دگۆنجن، کو نەخشەڕێگایەکە بۆ ب دەستڤەئینانا نایابیێ د فێرکرن، ڤەکۆلینێن زانستی، و خزمەتکرنا جڤاکی دا.
  • نەرماتی (گۆنجان): سیاسەت شیانان ددەنە مە کو ب شێوەیەکێ کارا بەرسڤا ئاستەنگ و دەلیڤەیێن نووی بدەین، کو ئەڤ چەندە زانکۆیا دهۆک دئێخیتە د پێگەهێ پێشەنگایەتیێ دا د خواندنا باڵا دا.

ڕێبازا مە یا پشتبەستوو ب سیاسەتان ب تنێ چوارچێوەیەکێ کاری نینە؛ بەلکو فەلسەفەیەکە کو شیانان ددەتە مە داهێنەر، نەرم، و ڕکابەر بمینین ل سەر ئاستێ جیهانی.

زانکۆیا دهۆک ب شێوەیەکێ کارا کار دکەت بۆ مسۆگەرکرنا پێگەهێ خۆ ل سەر گۆڕەپانا جیهانی ب ڕێکا:

  • نێڤدەولەتیکرن: بەرفرەهکرنا هەڤپشکیان دگەل زانکۆ، ڕێکخراو، و سەنتەرێن ڤەکۆلینان ل سەرانسەری جیهانێ ژ بۆ پێشخستنا هەڤکاری و ئالوگۆڕکرنا دەلیڤەیان.
  • وەرچەرخانا دیجیتاڵی: بجهئینانا تەکنۆلۆژیایێن پێشکەفتی ژ بۆ پێشخستنا فێربوون، ڤەکۆلینێن زانستی، و کاراییا پرۆسەیێن کارگێڕی.
  • نایابیا ڤەکۆلینان: تیشک ئێخستنە سەر ڤەکۆلینێن کارتێکەر کو چارەسەریا ئاستەنگێن جیهانی یێن هەستیار دکەن، وەکو بەردەوامی، ساخلەمی، و دادپەروەریا جڤاکی.
  • وەبەرهێنانێن ستراتیژی: پەرەپێدانا ژێرخانەکا ل سەر ئاستێ جیهانی، وەکو پلانا سەرەکی (ماستەر پلان) یا کەمپێ زانکۆیێ، ژ بۆ پشتەڤانیکرن ل جڤاکەکێ ئەکادیمی و ڤەکۆلینی یێ گەشەسەندی.

دیتن، پەیام، و بهایێن مە یێن سەرەکی بنەمایەکێ سەرەکی نە بۆ:

  • پڕۆگرامێن ئەکادیمی: مسۆگەرکرنا هندێ کو پڕۆگرامێن مە یێن خواندنێ دگەل پێڤەرێن باوەڕپێکرنا جیهانی دگۆنجن و قوتابیان بۆ بازاڕێ کاری یێ خێرا گەشەسەندی ئامادە دکەن.
  • ئارمانجێن بەردەوامیێ: بەرەڤپێشبرنا دەستپێشخەریێن کەسک ب ڕێکا ستراتیژیەتا کەمپێ زانکۆیێ یێ کەسک و پڕۆژەیێن ووزەیا نوویبووی.
  • خزمەتکرنا جڤاکی: ب هێزکرنا پەیوەندیان دگەل لایەنێن پەیوەندیدار یێن خۆجێیی و هەرێمی ژ بۆ هاندانا گەشەپێدانا جڤاکی و ئابووری.
  • سەرکەفتنا قوتابیان: پێشکێشکرنا سەرچاڤەیان، وەکو سەنتەرێن ڕەفاهیەتێ (خۆشگوزەرانیێ)، پڕۆگرامێن گەشەپێدانا کارامەییان، و بۆرسەیێن خواندنێ (سکۆلەرشیپ) ژ بۆ مسۆگەرکرنا سەرکەفتنا هەر قوتابیەکی.

پشکداریێ دگەل مە بکە د داڕێشتنا پاشەڕۆژێ دا

ل زانکۆیا دهۆک، دیتن، پەیام و بهایێن مە یێن سەرەکی ب تنێ چەند بنەمایێن ڕێنماییکەر نینە—بەلکو بانگەوازێکن بۆ کارکرنێ. چ تە قوتابی بی، ڤەکۆلەر، مامۆستا، یان هەڤپشک بی، تۆ پشکەکا دانەبڕایی ژ کاروانێ مە بۆ دروستکرنا پاشەڕۆژەکا گەشتر و بەردەوامتر.

پتر لێبگەڕە:

پەیوەندیێ ب مە بکە: بۆ هەر پرسیارەکێ یان هەڤکاریێ، نامەیەکێ بۆ ڤی ئیمەیلی بنێرە [email protected] یان پەیوەندیێ ب ڤێ ژمارەیێ بکە +964 (0) 62-762-0000.