وۆركشۆپەك لدۆر خۆكوشتنێ‌ هاتە ئەنجامدان
Jan. 31, 2022, 6:23 p.m.

ئەڤرۆ رێکەڤتی 31/1/2022 پشكا پەروەردا ئیسلامی ل كولیژا زانستێن مرۆڤایەتی ل زانكۆیا دهۆك، وۆركشۆپەك لدۆر دیاردەیا خۆكوشتنێ‌ بۆ قوتابی و مامۆستایێن پشكێ‌ ئەنجامدا.

 سەرۆكا پشكا ناڤبری د. رەمزیە حەمزە دیاركر كو خۆكوشتن‌ دیاردەیەكا بەربەلاڤە د ناڤ جڤاكی دا، ئارمانجا مە ژی وەكو پشكا پەروەردا ئیسلامی ژ ڤێ وۆرکشۆپێ ئەوە کو مە دڤێت رۆلێ‌ خۆ د كێمكرن و نەهێلانا ڤێ‌ دیاردەیێ‌ دا بگێرین.

 د ڤێ وۆرکشۆپێ دا دوو تەوەر  هاتنە پێشكێشكرن، د تەوەرێ‌ ئێكێ‌ دا چوار مامۆستایێن بسپۆر لدۆر ڤی بابەتی ڤەكۆلینێن خۆ پێشكێشكرن. د تەوەرێ‌ دووێ‌ دا قوتابی هاتنە پشكداركرن و كورتە فلمەك لدۆر دیاردەیا خۆكوشتنێ و ئامار و  داتایێن ڤێ‌ دیاردەیێ‌ هاتە نمایشکرن، کو هاتبوو بەرهەڤکرن ژ لایێ قوتابیێن قوناغا ئێکێ یێن پشکا پەروەردا ئیسلامی ڤە.