ل زانكۆیا دهۆك دیدارەكا ڤەكری ل دور جینوسایدا كوردێن ئێزدی هاتە ئەنجام دان
Sept. 6, 2019, 5:55 p.m.

زانكۆیا دهۆك و پەلەمانێ‌ كوردستانێ‌ دیدارەكا ڤەكری ل دور جینوسایدا كوردێن ئێزدی ل رۆژا 2/8/2016 ل سەنتەرێ‌ رەوشەنبیری و جڤاكی یێ‌ زانكۆیا دهۆك ئەنجام دا.

ل دەسپێكا دیدارێ‌ سەرۆكێ زانكۆیا دهۆك پ. د. مسلح دهۆكی د پەیڤەكی دا دیاركر كو هێرشا تیرورستێن داعش ل 3/8/2014 كارەساتەكا مەزن ل پشت خو هێلا، و تاوانێن مەزن ل دژی مروڤایەتیێ‌ هاتنە كرن و جینوسایدا كوردێن ئێزدی هاتە كرن ل شنگالێ‌، گۆت ژی ڤەدیتنا پتر 28 گورێن ب كوم نیشانا وێ‌ چەندێ‌ یە كو بەردەوام هێرشێن وەحشیانە ب دژی مللەتێ‌ كوردی هاتینە ئەنجام دان و دوبارە دبنە ڤە. 

هەروەسا گۆت ئەڤێ‌ تاوانێ‌ وژدانا مورڤایەتیێ‌ هەژاند كو ب دژی كەسێن سڤیل و بێ‌ گونەه بوون، و ئەڤە بو ئەگەرێ‌ هەژاندنا جڤاكێ‌ نێڤدەولەتی و دهەوارا خەلكێ‌ كوردستانێ‌ هاتن داكو هێرشێن داعش ب راوستینن. 

سەرۆكێ زانكۆیا دهۆك ئەو ژی دیاركر كو پشتی بورینا دو سالان ب سەر ڤان تاوانان ئەم پێدڤی ب كار كرنێ‌ نە ل سەر دوسەیێن وان بو جینوسایند ناساندنێ‌ و داكو بۆ جڤاكێ‌ نێڤدەولەتی ب دروستی بهێتە ناساندن، و پێدڤیە كار بهێتە كرن ب ئاستەكێ‌ بەرز و رێكخستی و بو ئەنجام دانا ڤی كاری و چەندین كارێن پێشتر زانكۆیا دهۆك دێ‌ یا بەردەوام بیت ل گەل پەرلەمانێ‌ كوردستانێ‌ و هەمی دام و دەزگەهێن پەیوەندیدار چونكو ئەڤە رولێ‌ زانكۆیێ‌ یە د ناڤ جڤاكی. 

ل دویڤ دا ئامینا زكری پەیڤا پەرلەمانێ كوردستانێ پێشكێش كر و تێدا دیاركر كو پەرلەنێ‌ كوردستانێ‌ ب مەبەستا ب جینوساید ناساندنا كەیسێ‌ شنگالێ‌ سەرەدانا دادگەها لاهای كریە، و چەند فراكسیونا ژی بو ڤێ‌ مەبەستێ‌ چەند پروژە قانوون پێشكێشی پەرلەمانێ‌ كوردستانێ‌ كرینە. 

بابەتێن ڤێ‌ دیدارێ‌ ب سەر سێ‌ پەنەلان هاتبوونە دابەش كرن و دهەر پەنەلەكی دا چەند بابەت هاتنە پێشكێش كرن. 

د پەنەلێ‌ ئێكێ‌ دا چار بابەت هاتنە بەحس كرن ئەو ژی، پێنگاڤێن دووبارە ئاڤاكرنا شنگالێ كو ژلایێ‌ بەرێز محما خلیل قائیمقامێ‌ شنگالێ‌ ڤە هاتە پێشكێش كرن، هەروەسا بابەتەك ل دۆر كریارێن داعش، میكانزما لێدانا ئیرادا گەلێ‌ كورد ژلایێ‌ بەرێز عەبدولخالق بابیری ئەندامێ‌ سەركرایەتیا پارتی هاتە پێشكێش كرن، بابەتێ‌ سیێ‌ د پەنەلێ‌ ئێكێ‌ دا ل دۆر جینوساید كرنا ئێزدیان و دادگەهكرنا تاوانباران، ژلایێ‌ د. فالا فەرید سەرۆكا لژنا قانوونی ل پەرلەمانێ‌ كوردستانێ‌ ڤە هاتە پێشكێش كرن، هەروەسا بابەتێ‌ چارێ‌ د پەنەلێ‌ ئێكێ‌ دا ژلایێ‌ د. فەرست سوفی ئەندامێ‌ پەرلەمانێ‌ كوردستانێ‌ ڤە ل دۆر رێكێن ب نێڤدەولەتی كرنا جینوسایدێ هاتە پێشكێش كرن.

د پەنەلێ دووێ‌ دا چار بابەت هاتنە بەحس كرن بابەتێ‌ ئێكێ‌ شنگال چەوا رزگاربوو، ژلایێ‌ بەرێز سەربەست لەزگین بەرپرسێ‌ لقا هەشت یا پارتی ڤە هاتە پێشكێش كرن، بابەتێ‌ دووێ‌ ل دۆر بەربەستێن نێڤدەولەتی كرنا جینوسایدا شنگال و چارەسەری، ژلایێ‌ د. ئیبراهیم شەرەفانی مامۆستایێ‌ زانكۆیێ‌ ڤە هاتە پێش كێش كرن، هەروەسا بابەتێ‌ سیێ‌ ژلایێ‌ ئەڤین هروری ئەنداما سەركردایەتیا پارتی ڤە ل دۆر دیدەگەها پارتی بو ئایندێ‌ ئێزدیان و شنگالێ‌ بوو، هەروەسا بابەتێ‌ چارێ‌ د پەنەلێ‌ دووێ‌ دا ل دۆر دوهی و ئەڤرۆیا ئێزدیان بو ئایندێ كوردستانێ كو ژلایێ‌ شێخ شامو ئەندامێ‌ پەرلەمانی كوردستانێ‌ ڤە هاتە پێشكێش كرن.

پەنەلێ‌ دووماهیێ‌ سێ‌ بابەت تێدا هاتنە بەحس كرن بابەتێ‌ ئێكێ‌ ل دۆر كەیسێ‌ جینوسایدكردنا كارەساتا شنگالێ گەهشتە چ قووناغ كو ژلایێ‌ بەرێز حسین قاسم راوێشكارێ‌ سەرۆكێ‌ حكومەتێ‌ بو كاروبارێ ئێزدیان ڤە هاتە پێشكێش كرن، هەروەسا بابەتێ‌ دووێ‌ ل دۆر كارو ئەركێن دەستەیا ڤەكۆلین و كومكرنا گروڤا كو ژلایێ‌ حاكم ئەیمەن مستەفا دادوەرێ‌ دەستەیا ڤەكولینێ‌ هاتە پێشكێش كرن، هەروەسا بابەتێ‌ دووماهیێ‌ د پەنەلێ‌ سیێ‌ دا یێ‌ تەرخان كری بوو بۆ د. سالار كەریم كاكەیی مامۆستایێ‌ زانكۆیێ‌ كو ل دۆر كارتێكرنا جڤاكی پشتی جینوسایدێ بوو. 

ل دووماهیا هەر پەنەلەكی ژی دانوستاندن ل سەر بابەتێن وی پەنەلی ژلایێ‌ ئامادەبوویان ڤە هاتنە كرن. 

ژمارە بەشداربویان ٢٢