زانكۆیا دهۆك و giz وورك شۆپان بۆ ستافێ وەزارەتا شارەوانی پێشکێش دکەن
July 23, 2020, 11:42 p.m.

ل رۆژا 23/7/2020 زانكۆیا دهۆك دگه‌ل رێكخراوا (giz) یا ئه‌لمانی وورك شۆپه‌ك هاته‌ پێشكیش كرن بشێوێ ئونلاین ل دۆر دانانا سیاسه‌ته‌كا بریك و پێك بۆ پێشڤه‌برنا راكێشانا ئاڤ و سولینا بۆ ستافێ وه‌زاره‌تا شاره‌وانی و گەشت و گوزارێ ل هه‌رێما كوردستانێ.
د. نه‌سرین به‌رواری مامۆستایا زانكۆیا دهۆك گۆت "ئه‌ڤ پروگرامه‌ به‌ری ساله‌كی یێ ده‌ستپێكری دگه‌ل حكومه‌تا ئه‌لمانی بۆ پێشخستنا ستافێ وه‌زاره‌تا شاره‌وانی و رێڤه‌به‌ریێن ب سەرڤە ل دور بابه‌تێ ئاڤێ و ئاڤه‌رویا بۆ پێشڤه‌برنا سه‌كته‌رێ ئاڤێ ژ به‌ر كارگێریا وێ ل سه‌ر ئابووری و كومه‌لگه‌هێ و ژینگه‌هێ و ته‌ندروستیێ و ژیانا رۆژانه‌ یا وه‌لاتیان".
هه‌روسا د. نه‌سرین به‌رواری دیاركر "راسته‌ دانانا پرۆژێن ئاڤێ دگرنگن به‌لی پێشڤه‌برنا ستافی گرنگتره‌ ب تایبه‌ت د ڤان كاودانان دا بۆ ب رێڤه‌برن و دانانا سیاسه‌ته‌كا درست یا برێڤه‌برنا ڤی سه‌كته‌ری له‌ورا زانكۆیا دهۆك به‌رنامه‌ك دانایه‌ بۆ ماوێ هەشت هه‌یڤا و ئه‌ڤرۆ 50 كارمه‌ندێن رێڤه‌بەریێن سه‌ر ب وه‌زاره‌تا شاره‌وانی یا هەرێما كوردستانێ دپشكدارن دڤێ وورك شۆپێ دا كو دێ ئاشنابن ب دنانا پاشترین سیاسه‌تێن ب رێڤه‌برنا ئاڤێ ل سه‌ر ئاستێ جیهانێ و بجهئنانا وێ، هەروەسا هەشت بسپورێن د بوارێن جودا یێن سه‌ره‌ده‌ریێ دگه‌ل ئاڤێ ژ زانكۆیا دهۆك دی بابه‌تان گه‌نگه‌شه‌كه‌ن و پیشكێش كه‌ن دگه‌ل كارمه‌ندێن دڤی بیاڤی دا کاردکەن و ل دووماهیێ دێ راسپارده و پشنیارێن ڤان وورك شۆپ و سمیناران پێشكێشی وه‌زاره‌تێ كه‌ن"
دهێته‌ زانین رێكخراوا (giz) یا ئه‌لمانی و زانكۆیا دهۆك رێككه‌فتنه‌ك ئیمزا كر بوو بۆ بجهئینانا پرۆژه‌كێ هه‌ڤپشك ل دۆر پلانا راوێژكاری بۆ باشتركرنا خزمه‌تگوزاریێن تۆرێن ئاڤ و سولینا بۆ وه‌زاره‌تا باژێرڤانی و گه‌شتوگوزارێ.