پشکا تەلارسازی ل كۆلیژا ئەندازیاری وۆركشۆپەکا ناڤدەولەتی ل دۆر پاراستنا كەلتۆرێ تەلارسازىێ ئەنجامدا، د ڤی وۆركشۆپی دا ژمارەکا بابەت و سمیناران هاتنە پێشکێشکرن. ئەڤ وۆرکشۆپە ب پشتەڤانیا World Monument Fund و ب ئامادەبوونا مامۆستایێن کۆلیژا ئەندازیارى، هەروەسا هژمارەکا فەرمانبەر و ئەندازیارێن تەلارسازى ل دهۆکێ هاتە ئەنجامدان.
د. شرین یۆنس ژ کۆلیژا ئەندازیارى، تایبەتمەند د پاراستنا شینوار و کەلتۆرى د پلاندانانا باژێری دا راگەهاند: " د ڤێ وۆركشۆپا ناڤدەولەتی دا جەخت ل سەر چەوانیا پاراستنا ئاڤاهیان و جهێن شینوارى و پاراستنا جهێن ئاڤاهیان کو ب تەکنیك و رێکێن نوى هاتیەکرن".
مامۆستایا کۆلیژا ئەندازیارى دیاركر ژی، مفایێ ئەڤێ وۆرکشوپێ پتر ئەو بوو كو پشکا تەلارسازى ل کۆلیژا ئەندازیارى پلان هەیە ئەڤسالە خواندنا بلند بۆ بابەتێ پاراستنا شینوار و کەلتۆرى ڤەکەت.
ل دویماهییێ ژمارەکا قوتابیێن پشکا تەلارسازى جهێن گرنگ یێن شینوارى ل دهۆکێ و پاراستنا وان ژ لایی تەلارسازی و کەلتۆری ڤە ب رێكا پۆستەرێن خۆ نیشاندان.
دهێتە زانین، ئەڤ وۆركشۆپه ژ لایێ کۆلیژا ئەندازیارى ل زانكۆیا دهۆك بۆ ماوێ پێنج رۆژان یا بەردەوام بوو تاکە ١٨ـی نیسانێ ٢٠٢٤.
بۆ داونلۆدکرنا وێنێن ب کوالتیا بلند، لینک ل خوارێ کلیک بکە:
https://drive.google.com/drive/folders/1FTFYYJN07BwMCZALQsWxvzH7E0LVbKxt?usp=drive_link
راگەهاندنا زانکۆیا دهۆك؛ ٢٤ـی نیسانێ ٢٠٢٤
تەڤژین الیاس و عسمەت خابوور
فۆتۆ: محەمەد عەبدولکەریم