ئەڤرۆ رێكەڤتی ٢٩ـی تەباخێ ٢٠٢٣، وۆركشۆپەك ژلایێ كلینیكا یاسایی ل كۆلیژا یاسا یا زانكۆیا دھۆك ب ھەڤكاری ل گەل دەستەیا سەربخۆ یا مافێن مرۆڤی ل ھەرێما كوردستانێ – ئۆفیسا دھۆك، و ب پشكداریا نوینەرێن ھندەك سازی و رێكخراوێن حكومی و نەحكومی و لایەنێن پەیوەندیدار ل دۆر دیاردا خۆكوشتنێ ل سەنتەرێ رەوشەنبیری و جڤاكی یێ زانكۆیا دھۆك ھاتە ئەنجامدان.
ئارمانج ژ وۆركشۆپی زانینا ئەگەر و ھۆكارێن دەروونی و جڤاكی و پەروەردەیی و ئابووری یێن دیاردا خۆكوشتنێ ل دەف تاكێن جڤاكی بوو، دیسان پێشكێشكرنا رێكێن چارەسەریێ ژ لایێ پشكداربوویا ڤە بۆ رێگریگرنێ ل ڤێ دیاردا مەترسیدار. د وۆركشۆپێ دا نویترین ئامارێن خۆكوشتنێ یێن ئەڤ سالە و سالێن بۆری ھاتنە نیشاندان و ل دویڤ وان ئامارا؛ رێژا خۆكوشتنێ ل پارێزگەھا دھۆكێ بەرەڤ كێمبوونێ ڤە چوویە. دیسان د وۆركشۆپی دا جەخت ل سەر وێ چەندێ ھاتە كرن كو كۆلیژا یاسا د داھاتی دا دێ پێنگاڤێن دی ھەبن ب ئارمانجا كاركرن ل گەل لایەنێن پەیوەندیدار بۆ گەھشتنێ ب چارەسەریێن رھوریشالی بۆ ڤێ ئاریشێ.
ھەژی ئاماژەدانێ یە كۆلیژێن زانكۆیا دھۆك ھەر ئێك ل دویڤ بسپۆریا خۆ، كاردكەت بۆ پەیداكرنا چارەسەریا بۆ ئاریشێن جڤاكی، سیاسی، ئابووری و...هتد، ل سەر ئاستێ دەڤەرێ و ھەرێمێ ب گشتی.
راگەھاندنا زانكۆیا دھۆك؛ ٢٩ـی تەباخێ ٢٠٢٣
راپۆرت: فاطمة محمود
وەرگێران: ماهر کێستەیی
فۆتۆ: حسێن تتمی