ل زانكۆیا دهۆك ووركشۆپەك لدۆر دیجیتال ستۆری هاتە ئەنجامدان
يناير 23, 2022, 3:18 م

زانكۆیا دهۆك ب هەماهەنگی دگەل زانكۆیا برایتون یا بریتانی و ئنستتیۆتا ڤەكۆلینێن پەرەپێدانێ‌ یا بریتانی، ووركشۆپەك لدۆر دیجیتال ستۆری بۆ 75 قوتابیێن زانكۆ و پەیمانگەهێن سنوورێ پارێزگەها دهۆك و دەڤەرێن كوردستانی ژ موسلمانێن سونە و شیعە و مەسیحیێن كلدان و ئاشۆری و ئەرمەن و ئێزدیان، لدۆر وەكهەڤیا ئۆلی و گەشەپێدانا گشتی ئەنجامدا.
ئەڤ ووركشۆپە ژ 18 - 23/1/2022 بوو ل ناڤەندا قوتابیان ژلایێ راهێنەران سەباح ئەترووشی، لدۆر مێژو و پێكهاتە و جۆر و لێكدان و گرنگیا دیجیتال ستۆری و چاوانیا چێكرنا وان، و هەرمان شەریف، راهێنەرێ‌ سۆفتوێر و دیزاین و دەنگی‌ هاتنە پێشكێشكرن، و هەمی قوتابی شیان چیرۆكێن خۆ ب بەرنامێن سۆفتوێر چێكەن و پێشكێشی زانكۆیێ بكەن، كو زۆبەیا وان چیرۆكێن مێژوویی و كەسی و سالۆخكاری بوون. دهێتە زانین هەمان قوتابی، كو ژ سێ گرۆپا پێكدهاتبوون، چەندین خولێن دی لدۆر وێنەگرتنێ و نڤیسینا سیناریۆیا چیرۆكێن دیجیتال وەرگرتینە.