ووركشۆپەك ل دۆر باوەرپێكرنا كۆلیژا پزیشكی ل زانكۆیا دهۆك هاتە ئەنجام دان
Jan. 7, 2022, 2:27 p.m.

كۆلیژا پزیشكی ل زانكۆیا دهۆك ل رۆژا 6/1/2022 ووركشۆپەك ل دۆر (باوەرپێكرنا كۆلیژا پزیشكی) ل هۆلا كۆنفرانسان ئەنجام دا.

راگرێ‌ كۆلیژا پزیشكی ل زانكۆیا دهۆك د. دلدار حاجی موسا دیاركر كو بابەتێ‌ باوەرپێكرنا كۆلیژا پزیشكی بابەتەكێ‌ گرنگە و كار یێ‌ ل سەر دهێتە كرن بۆ كۆلیژا پزیشكی، و دێ‌ باوەرپێكرنا فەرمی وەرگریت ل جڤاتا عیراقی یا باوەرپێكرنا كۆلیژێن پزیشكی، و ئەڤە وەكو باوەرنامەكا نێڤدەولەتیە، ئەو كۆلیژا وەردگریت دبیتە یا باوەرپێكری ل ناڤ وەلاتی و دەرڤەی و جیهانێ‌ هەمیێ‌.

د. دلدار حاجی موسا هەروەسا گۆت بۆ وان قوتابیان ژی یا گرنگە ئەوێن دچنە دەرڤەی وەلاتی دخوینن، هەروەسا بۆ مامۆستایان ژی گرنگیا خۆ یا هەی دڤی بیاڤی دا.

راگرێ‌ كۆلیژا پزیشكی ل زانكۆیا دهۆك بەحسێ‌ تەوەرێن ووركشۆپی ژی كر و دیاركر كو ئەڤ ووركشۆپە ژ نەه بیاڤان پێك هاتبوو، كو ل دویف ستانداردێ‌ جڤاتا عیراقی یا باوەرپێكرنا كۆلیژێن پزیشكی ئەڤ نەه بیاڤە یێن هەین و گەنگەشە ل سەر دهێتە كرن، كو ئەڤرۆ هەمی ئەڤ بیاڤە هاتنە گەنگەشە كرن و دیاركرن، و ئەو تشتێ‌ هاتیە كرن ل كۆلیژێ‌ و ئەو تشتێ‌ دێ‌ هێتە كرن كا چ مایە دا كار ل سەر وان بیاڤان بهێتە كرن، ئاشكرا ژی كر كو چاڤەرێ‌ دكەین لژنەك ژ ڤێ‌ جڤاتا عیراقی سەرەدانا كۆلیژا پزیشكی ل زانكۆیا دهۆك بكەت، و دەمێ‌ ئەڤ لژنە دهێت پێدڤیە ئەڤ كارە هاتبیتە كرن، و بەرهەڤی هەمی بدووماهی هاتبن.