زانكۆیا دھۆك رێكەڤتنەكا لێكتێگەھشتنێ ل گەل ئینستیتیوتا داھێنان و نویگەریا كوردستان بۆ پەرەپێدانا پرۆژێن زانستی و نوی و پەرەپێدانا پێشڤەچوونا پیشەسازیێ ئیمزاكر، رێكەڤتن ل ١٨ـی كانوینا دووێ ٢٠٢٤، ژ لایێ د. داود سلێمان ئەتروشی، سەرۆكێ زانكۆیا دھۆك و ئازاد نەجار، سەرۆكێ بوردێ ئینستیتیوتا داھێنان و نویگەریا كوردستان ڤە ھاتە ئیمزاكرن. ل دویڤ رێكەڤتنێ ھەڤكاری د بوارێ تەكنۆلۆژیایێ و پێشئێخستنا بەرھەم و كاران دێ د ناڤبەرا ھەردوو لایەنێن رێكەڤتنێ دا ھێتە ئەنجامدان، زێدەباری لێكگوھۆرینا زانینێ و پشكداریكرن د كونفرانس و پرۆژێن ناڤدەولەتی، ھەروەسا زانكۆیا دھۆك و ئینستیتیوتا داھێنان و نویگەریا كوردستان دێ ب لێكگوھۆرینا راوێژكاری و شارەزایێ رابن ل دەمێ پێدڤی بوونێ.
ئینستیتیوتا داھێنان و نویگەریا كوردستان، سازیەكا گشتی یە كار ل سەر پەرەپێدانا داھێنان و پێشئێخستنا بەرھەمان دكەت، ب تایبەتی ل دەڤ گەنجا ل ھەرێما كوردستانێ و عیراقێ، و راوێژكاری و پالپشتیا دارایی و پێشئێخستنا بەرھەمێن ئەندازیاری پێشكێشدكەت و ھاریكاریێ د دروستكرنا سەمپلێن دەستپێكی د پیشەسازیێ دا دكەت بۆ ھاندانا داھێنەرا ل سەر ڤەگوھاستنا ھزرێن خۆ بۆ بەرھەمێن تمام.
راگەھاندنا زانكۆیا دھۆك؛ ٢٢، كانوینا دووێ ٢٠٢٤
فاطمة محمود
وەرگێران: ماھر طاھر كێستەیی
فۆتۆ: حسین تتمى