ب مەرەما پەرەپێدان و پێشڤەبرنا زانستی ل ناڤبەرا زانکۆیا دهۆک و زانکۆیا کەرخ یا زانستی، ل سەرۆکاتیا زانکۆیا دهۆک و ب ئامادەبوونا د. داود سلێمان ئەترۆشی سەرۆکێ زانکۆیا دهۆک، و هاریکارێ سەرۆکێ زانکۆیێ و رێڤەبەرێ پەیوەندیا و راگرێ کۆلیژا زانست و شاندەکێ بلندێ زانکۆیا کەرخ ب سەرۆکاتیا د. ثامر عبدالامیر حسن سەرۆکێ زانکۆیا کەرخ، رێککەڤتننامەکا هەڤکاریێ د ناڤبەرا زانکۆیا دهۆک و زانکۆیا کەرخ دا هاتە ئیمزاکرن.
ل دویڤ ڤێ رێککەڤتنێ، هەڤکاریەکا زێدەتر د بوارێ زانستی دا و ب تایبەتی لێکگوهۆرینا ستافێ ئەکادیمیێ هەردوو زانکۆیان، دێ هێتە ئەنجامدان، هەروەسا ئەنجامدانا ڤەکۆلینێن زانستیێن هەڤپشک د ناڤبەرا هەردوو زانکۆیان دا ئێک ژ خالێن رێککەڤتنێ یە.
دهێتە زانین ل رۆژا ئێکشەمب، رێکەڤتی ٢١ـی کانوونا ئێکێ ٢٠٢٤ـێ، شاندەکێ بلندێ زانکۆیا کەرخ ب سەرۆکاتیا د. عامر عبدالامیر حسن، سەرۆکێ زانکۆیا کەرخ یا زانستی سەرەدانا زانکۆیا دهۆک کر و د روینشتنەکێ دا دانوستاندن ل دۆر هژمارەکا مژارێن ئەکادیمی هاتنە ئەنجامدان ل گەل باسکرنا گرنگیا هەڤکاری و هەماهەنگیێ، ل دویماهیێ ژی، هەردوو زانکۆیان رێککەڤتننامەکا هەڤکاریێ ئیمزاکر.
راگەهاندنا زانکۆیا دهۆک؛ ٢٣ـی کانوونا دووێ ٢٠٢٤ـێ.
هەرمان جانگیر
فۆتو: عەلی بانکی