شاندهكێ زانكۆیا پۆلیتهكنیکیا ههولێرێ ب مهرهما ههماههنگی و پیرۆزباهیێ سەرەدانا زانکۆیا دھۆک کر
شاندهكێ زانكۆیا پۆلیتهكنیكیا ههولێرێ، پێكهاتی ژ سهرۆكێ زانكۆیێ و ئهنجوومەنێ زانكۆیێ، سهرهدانا سهرۆكاتیا زانكۆیا دهۆك كر و هاتە پێشوازیكرن ژلایێ سهرۆكێ زانكۆیا دهۆك و هاریكارێ سهرۆكی بۆ كاروبارێن كارگیری و دارایی.
د ڤێ سهرهدانێ دا، د. كاوه شێروانی، سهرهرای پیرۆزباهی و پشتهڤانی، باس ل گرنكیا پێكڤهكاركرنا زانكۆیێن كوردستانی و ئالۆگوركرنا شیانێن زانستی و كونگره و كۆنفرانس و پێگههاندنا ستافێ زانستی و رێڤهبرنێ کر. ژلایێ خۆ ڤە، د. داوود سلێمان ئەترووشی، سهرۆكێ زانكۆیا دهۆك باس ل ئاستهنگ و پێشهاتهیئن پاشهرۆژێ و ئاریشا مهركهزیهتێ ل سهر پرۆژه و بیرۆكهیێن پێشكهڤتنێ و هەڤرکیێن ل پێشیا وان د قۆناغێن داهاتی دا و گورانكاریێن نوو د ههموو سهكتهرێن زانكۆیا دهۆك دا کر.
ل داویێ سهرۆكێ زانكۆیا پۆلیتهكنیكیا ههولێرێ دیاری پێشكێشی سهرۆكێ زانكۆیا دهۆك كرن كو ژ هێمایێن پایتهختێ ههرێما كوردستانێ بوون.