زانكۆیا دهۆك ب هەڤكاری دگەل IOM دێ‌ كۆنفرانسەكێ‌ ئەنجام دەت
Sept. 11, 2021, 12:45 p.m.

ل رۆژا 22/8/2021 سەرۆكێ‌ زانكۆیا دهۆك، رێزدار د. داود سلێمان ئەتروشی، پێشوازی ل شاندێ‌ رێكخراوا كوچبەرا ناڤدەولەتی (IOM) یا سەر ب نەتەوێن ئێكگرتی ڤە و رێكخراوا ئەژی كر. مەرەما سەرەدانا ڤێ‌ شاندێ‌، ئەنجامدانا كۆنفرانسەكێ‌ یە ب هەڤكاری دگەل زانكۆیا دهۆك .
د ڤێ‌ روینشتنێ‌ دا و ب ئامادەبوونا راگرێ‌ كۆلیژا زانستێن مرۆڤایەتی، د. مزگین محمد حسن، سەرۆكێ‌ زانكۆیێ‌ بەرهەڤیا زانكۆیێ‌ بۆ گێرانا كۆنفراسی دەربری. مژارا سەرەكی یا ڤێ‌ كۆنفرانسێ‌ دێ‌ ل دۆر نەهێلانا دیاردا خۆكوشتنێ‌ بیت كو دێ‌ ل رۆژا 10 ئەیلوولێ‌ 2021، رۆژا جیهانی یا نەهێلانا خۆكوشتنێ‌، بهەفكاری دگەل پشكا دەروونناسی ل كۆلیژا زانستێن مرۆڤایەتی هێتە ئەنجام دان. ئەڤ چەندە ئێك ژ ئارمانجێن سەرەكی یێن زانكۆیا دهۆكێ‌ یە كو خۆ ل ئاریشێن جڤاكی دكەتە خودان.