ل زانکۆیا دهۆک کۆنفرانسەکێ نێڤدەولەتی ل دۆر داهێنانێن ئەندازیاری هاتە گێران
Aug. 11, 2021, 2:18 a.m.

کۆلیژا ئەندازیاری ل زانکۆیا دهۆک ل رۆژا 2020/9/9 کۆنفرانسێ خۆ یێ نێڤدەولەتی یێ سیێ ل دۆر نویترین داهێنانێن ئەندازیاری (2020 ICRIE) ب شێوێ ئونلاین گێرا.
سەرۆکێ کۆنفرانسی راگرێ کۆلیژا ئەندازیاری ل زانکۆیا دهۆک دکتۆر جیمس حیدو دیارکر کو 131 ڤەکۆلین دڤی کۆنفزانسی دا هاتبونە وەرگرتن ل دۆر بیاڤێن شارستانی و تەلارسازی و کارەب و کۆمپیوتەر و میکانیک و بایومیدیکال، هەر وەسا گۆت کو ژ 20 وەلاتان ب شێوێ ئونلاین پشکداری دڤی کۆنفرانسی دا هەبوو و ڤەکۆلینێن باشتر دێ ل گۆڤارەکا نێڤدەولەتی هێنە بەلاڤ کرن و ڤەکۆلینێن دیتر دێ ل گۆڤارا زانستی یا زانکۆیا دهۆک بەلاڤ بن.
دکتۆر جیمس حیدو هەروەسا گوت گەلەک ژ ڤان ڤەکۆلینا پراکتیکی نە و ل سەر رەوشا دەڤەرێ ژلایێ بیاڤێن ئەندازیاری ڤە هاتینە کرن، دیار ژی کر کو بزاڤ هاتبونە کرن ڤەکۆلەرێن نێڤدەولەتی زێدە ببن و ژبلی ڤەکۆلەرا مامۆستایێن هەلسەنگاندنێ ژی پتر نێڤدەولەتی بن.