ل زانكۆیا دهۆك جارەكا دی دەوام ئاسایی بوو
يونيو 21, 2021, 1:06 م

رێڤەبەرێ‌ كارگێری و خۆیەتی ل زانكۆیا دهۆك مامۆستا هشیار عبدی راگەهاند كو ل دویف بریارا وەزارەتا خاندنا بلند و ڤەكۆلینێن زانستی ل حكومەتا هەرێما كوردستانێ‌ و پالپشت ب بریارا جڤاتا وەزیران، سستكرنا دەوامێ‌ و نەهاتنا هەمی فەرمانبەران ل هەمی رۆژێن حەفتیێ‌ كو ژ ئەنجامێ‌ پەیدابوونا ڤایرۆسێ‌ كۆرۆنایێ‌ پەیدابوویی نەما.

مامۆستا هشیار عبدی دیار ژی كر كو ژ رۆژا 20/6/2021 هەمی فەرمانبەر وەكو بەری كۆرۆنایێ‌ دێ‌ ئاسایی دەواما خۆ كەن، داكو ئەڤ رەوشە بزڤریتە سروشتێ‌ خۆ یێ‌ بەری كۆرۆنایێ‌، داخاز ژی كر كو هەمی پێگیریێ‌ پێ‌ بكەن هەر ژ مامۆستا و فەرمانبەران، و دەستخۆشیی ژی ل هەمیان كر كو ل وێ‌ قووناغا دەرباز بووی ب فەرمانبەرێن كێم هەمی كار دهاتنە ئەنجام دان. 

رێڤەبەرێ‌ كارگێری و خۆیەتی ل زانكۆیا دهۆك هەروەسا گۆت دەرئەنجامێ‌ سست بوونا دەوامێ‌ گەلەك رۆتین پەیدا ببوو، هەر چەندە ئەم وەكو زانكۆ مە تەخسیری نەكریە بەلێ‌ دیارە دەرئەنجامێ‌ بەرهەڤ نەبوونا رۆژانە یان نەدەوامكرنا رۆژانە هندەك كێماسی هەبووینە، لەورا ئەم داخازێ‌ دكەین بۆ ژ نوكە پاش پێگیری ب بریارا نوی بهێتە كرن.