گرۆپەكێ قوتابیێن پشكا ئەندازیاریا رۆپیڤان ل كۆلیژا ئەندازیاری ل زانكۆیا دھۆك، شیاینە نەخشەیەكێ سێ رەھەندی (3D) بۆ كەمپا زانكۆیا دھۆك دیزاین بكەن. نەخشێ كەمپا زانكۆیێ پشكەك بوو ژ پرۆژێ دەرچوونێ یێ قوتابیا، كو تێدا رووبەرێ زانكۆیێ و ئاڤاھیێن وێ ب كوالێتیەكا بەرز ھاتینە دیزاینكرن، كو دشیاندایە ئەڤ نەخشە وەك رێبەرێ كەمپا زانكۆیێ ژ لایێ قوتابیا ڤە و ھەر كەسەكێ سەرەدانا زانكۆیێ بكەت بھێتە بكارئینان ب مەرەما زانینا جھ و رێیا ھەر ئاڤاھیەكێ دڤێت سەرەدانا وی بكەت. دیسان گرۆپێ قوتابیا زێدەباری بەرھەڤكرنا نەخشەی ب شێوێ وێنە، شیاینە ئەپلیكەیشنەكی بۆ ئامیرێ مۆبایلێ بەرھەڤبكەن بۆ بكارئینانا نەخشێ كەمپا زانكۆیێ، داكو ئاسانتر نەخشە بھێتە بكارئینان.
ئەڤ گرۆپێ قوتابیا یێ پێكھاتیبوو ژ "رەوان ئادەم، ئەركان عومەر، سیلاڤ وەحید، ھێژان ملحەم و رێدیر بەختیار"، پرۆژە ب سەرپەرشتیا د. سەرھات مستەفا مامۆستایێ كۆلیژا ئەندازیاری ھاتبوو ئەنجامدان.
ب ناڤێ زانكۆیا دھۆك دەستخۆشیێ قوتابیێن ناڤبری دكەین. زانكۆیا دھۆك بەردەوام ھاندانا قوتابی و مامۆستایێن خۆ دکەت، بۆ پتر پێشڤەبرنێ و ئەنجامدانا ڤەكۆلین و پرۆژەیێن مفای بگەھیننە جڤاكێ زانكۆیێ و دەڤەرێ.
بۆ داونلۆدكرنا نەخشەیێ كەمپا زانكۆیێ و ئەپلیكەیشنێ دیزاینا سێ رەھەندی یێ زانكۆیێ، لینكێ ل خوارێ کلیک بكە:
https://www.uod.ac/about/uod-malta-campus-map/?lang=en
بۆ دیتنا نەخشەیێ كەمپا زانكۆیا دهۆک ب شێوێ ڤیدیو یا سێ رەهندی، سەرەدانا لینکێ ل خوارێ بکە:
راگەھاندنا زانكۆیا دھۆك؛ ٢٣ـی چریا ئێكێ ٢٠٢٣
ماهر کێستەیی