دەرچوویەكا كۆلیژا ئەندازیاری ل زانكۆیا دھۆك ب ناڤێ باسیمە عەبدولرەحمان، ل دویڤ لیستا سالا ٢٠٢٣ یا كەنالێ BBC وەك ئێك ژ ١٠٠ ژنێن كاریگەر ل سەر ئاستێ جیھانێ ھاتە ھەلبژارتن، ناڤبری ئێكە ژ ٢٨ ژنێن كاریگەر ل سەرانسەری جیھانێ یێن د بوارێ ژینگەھێ و گوھۆرینا كەش و ھەوای دا كاردكەن، ھەروەسا ژ لایێ ئەنجومەنێ بیناسازیا كەسك یا ئەمریكی ڤە وەك كەسەكا پیشەیی یا باوەرپێكری دیسان ل سەر ئاستێ جیھانێ وەكو كەسەكا داھێنەر د بوارێ تەكنۆلۆژیا كەسك دا دھێتە نیاسین. زانكۆیا دھۆك خۆ سەربلند و شاناز دبینیت، دەرچوویەكا وێ بگەھیتە ڤی ئاستێ جیھانی، ئەڤ چەندەژی پالدەرەكێ بھێزە زانكۆیا دھۆك رژدتر كاربكەت بۆ گەھاندنا ستافێ خۆ یێ ئەكادیمی و دەرچوویێن خۆ بۆ ئاستەكێ جیھانی.
راگەھاندنا زانكۆیا دھۆك؛ ٣٠ـی چریا دووێ ٢٠٢٣ نڤێسین: ماھر طاھر كێستەیی