وەزارەتا خواندنا بلند رێنمایێن خواندنا دیپلۆما بلند و ماستەر و دکتۆرایێ بەلاڤکرن
سبتمبر 22, 2022, 1:12 م

ئەڤرۆ رێکەڤتی ٢٠٢٢/٩/١٩، رێنمایێن ژمارە (٣) یێن سالا (٢٠٢٢)ـێ ب ژمارە (١٥٨٠٩) و ب ئیمزایا د. ئارام محەمەد قادر وەزیرێ خواندنا بلند و ڤەکۆلینن زانستی دەرچوون.

وەزارەتا خواندنا بلند و ڤەکۆلینێن زانستی، رێنمایێن پێشکێشکرن و وەرگرتنێ بۆ خواندنا دیپلۆما بلند، ماستەر و دکتۆرایێ بۆ سالا خواندنێ (٢٠٢٢-٢٠٢٣)ـێ ل وێبسایتێ وەزارەتێ ( gov.krd/mohe) بەلاڤکرن.

مەرەم ژ دەرئێخستنا ڤان رێنمایان پتر رێکخستنا مەرج رێکارێن پێشکێشکرن و شێوازێ هەڤڕکی و بدەستڤەینانا دەلیڤەیا یەکسانیێ یە د پرۆسەیا وەرگرتنێ ل خواندنا دیپلۆما بلند، ماستەر و دکتۆرایێ دایە و بلندکرنا ئاستێ خواندنا بلند و پێگەهاندنا کەسێن بسپۆر و شارەزا بۆ دامەزراوێن خواندنا بلند و کەرتێ گشتی و تایبەت، و پێکڤەگرێدانا خواندنا بلند ب پێدڤیاتیێن دامودەزگەهێن حکۆمی و تایبەت و بازارێ کاری، و پشکداریکرن د پێشنیارکرنا چارەسەریێن گونجای دا بۆ گرفت و ئاریشەیێن هەیی ل هەرێما کوردستانێ.

بۆ دیتنا دەقێ رێنمایێن وەزارەتا خواندنا بلند و ڤەکۆلینێن زانستی بۆ خواندنا دیپلۆما بلند، ماستەر و دکتۆرایێ، تەماشای فایلێ هەڤپێچ بکە.