وەزارەتا فیدرالی یا ئەلمانی بۆ هەڤکاریێن ئابووری و گەشەسەندنێ، هژمارەکا دەلیڤێن خواندنا د ناڤ وەلاتی دا د چارچۆڤێ پرۆگرامێ "دەلیڤێن رەخساندنا ئاشتیێ ب رێکا پەروەردێ ل عیراقێ" بۆ دەرچوویێن ١٢ێ ئامادەیی ل هەرێما کوردستانێ راگەهاندن.
ئەڤ پرۆگرامە بۆ سالا خواندنا ٢٠٢٢-٢٠٢٣یێ یە و هژمارەکا پشکێن زانستی بخۆڤەدگریت، ئەوژی:
- چاندن، زانستێن خۆراکی و کۆنترۆلا جۆری.
- زانستێن ژینگەهی.
- تەکنۆلۆژیا پەیوەندیکرن و پێزانینان.
- کارگێری کار.
- پەرستاری و ساخلەمیا جڤاکی.
- زانستێن تاقیگەهێن پزیشکی.
ئەڤ دەلیڤێن خواندنێ بۆ وان دەرچوویێن ئاست بلندێن ئامادەیینە، ئەوێن بۆ بدەستڤەئینانا باوەرنامێن بلند تووشی بەربەستێن ئابووری و جڤاکی دبن، ب تایبەتی ئەو دەرچوویێن ژ ئایین و نەتەوەیێن جودا، پەنابەر، ئاوارە و ڤەگەریای، کو ٥٠٪ێ بۆ رەگەزێ مێ نە.
دویماهی ژڤان بۆ پێشکێشکرنێ: ٢٦ / ٩ / ٢٠٢٢
بۆ وەرگرتنا پتر پێزانینان، لینکێ ل خوارێ کلیک بکە:
بۆ پێشکێشکرنێ، لینکێ ل خوارێ کلیک بکە:
https://www.daad.de/surveys/212823?lang=en
هەژی ئاماژێ یە ئەڤ پرۆگرامە ب سەرپەرشتی و سپۆنسەریا وەزارەتا فیدرالی یا ئەلمانی بۆ هەڤکاریێن ئابووری و گەشەسەندنێ یە و ژ لایێ رێکخراوێن GIZ و DAAD ڤە.