ل دویڤ پۆلینكرنا سایتێ uniRank بۆ سالا ٢٠٢٣، زانكۆیا دھۆك ل سەر ئاستێ ٢٨ زانكۆیێن ھەرێما كوردستانێ ل رێزا دووێ دھێت. ئەڤ پۆلینكرنە ل دویڤ چەند پیڤەران ھاتیە ئەنجامدان ژ وان، ھەبوونا مولەتێ ژ لایێ وەزارەتا خواندنا بلند و ڤەكۆلینێن زانستی یا عیراقی، ھەروەسا دەرچوونا پلا بەكالۆریوس بۆ ماوێ پتر ژ سێ سالان یان ھەبوونا خواندنا ماستەر و دكتۆرایێ، دیسان پێشكێشكرنا خۆلان ب شێوەیەكێ ئاسایی.
ئارمانجا uniRank بەرچاڤكرنا رێزبەندیا باشترین زانكۆیێن ھەرێما كوردستانێ یە ب شێوەیەكێ بەردەوام، ل دویڤ پیڤەرێن دروست و بێلایەن و پێزانین ژ ژێدەرێن سەربەخۆ دھێنە وەرگرتن نەك ئەو پێزانینێن زانكۆ بخۆ پێشكێشدكەن.
uniRank سایتەكێ جیھانیە ل سالا ٢٠٠٥ ل ئوسترالیا ھاتیە دامەزراندن، وەكو رێبەرێ زانكۆیێن جیھانی دھێتە ھژمارتن، پۆلینكرنا پتر ژ ١٣٩٠٠ زانكۆیێن جیھانێ یێن فەرمی ل پتری ٢٠٠ وەلاتان ب شێوەیەكێ بەردەوام دكەت.
بۆ دیتنا رێزبەندیا زانكۆیێن ھەرێما كوردستانێ كلیكێ ل سەر لینكێ ل خوارێ بكە:
https://www.4icu.org/iq/kurdistan/