زانكۆیا دھۆك پشكداریێ د كۆنفرانسێ ناڤدەولەتیێ پەروەردێ دا دکەت
June 14, 2023, 9:36 a.m.

ب ئامادەبوونا وەزیرێ پەروەردا حكومەتا ھەرێما كوردستانێ و هژمارەکا سەرۆك زانكۆ و ئەندام پەرلەمانێن كوردستانێ و عیراقێ و بەرپرس و رێڤەبەرێن سازیێن حكومی و بسپۆرێن بوارێ پەروەردەیی، ل رۆژا چارشەمبی رێكەڤتی ۱۷ـی گولانێ ۲۰۲۳ كۆنفرانسێ ناڤدەولەتیێ پەروەردە و فێركرنێ یێ سێیێ "2023 -ICET" ل ھەرێما كوردستانێ ژ لایێ قوتابخانێن ستیرلینگ و زانكۆیا كامبردج و GEMS Education و UK Teachers Academy ڤە ل ھەولێرێ ھاتە ئەنجامدان.

د كۆنفرانسی دا، و ب پشکداریا د. دلشاد عەبدولجەبار حەلیم، هاریکارێ سەرۆکێ زانکۆیا دهۆک، چەندین پانێل ل دۆر پرۆسێسا پەروەردە و فێركرنێ دا ھاتنە ئەنجامدان. د. ئەمین عەبدولقادر مامۆستایێ زانكۆیا دھۆك ب پێشكێشكرنا سمینارەكێ ب ناڤونیشانێ "بكارئینانا رەھوانیێن سەدسالیا ٢١ـێ د پرۆسێسا فێركرنێ دا ل كوردستانێ" پشكدار بوو. ناڤبری د سمینارا خۆ دا دیاركر كو سەدسالیا ٢١ـێ گۆرانكاریەكا مەزن د كار و فێربوونێ دا پەیداكریە، ل گەل بەربەلاڤبوونا تەكنۆلۆژیا و جیھانگیریێ و ئەو رەھوانیێن بۆ سەركەڤتنێ د جیھانا كاری دا پێدڤی ژ یێن بەری نوكە جوداكرن، لەورا بۆ بەرچاڤكرنا رەھوانیێن پێدڤی ل ناڤەندێن خواندنێ گرنگی پێ بھێتە دان بۆ بلندكرنا ئاستێ شیان و شارەزایێن قوتابیان ل كوردستانێ.

راگەھاندنا زانكۆیا دھۆك؛ ٢٥ـێ گولان ٢٠٢٣

ماهر كيسته ى