ئەڤرۆ رێکەڤتی٢٤ـی نیسانا ٢٠٢٤ـێ، و ب ئامادەبوونا د. داود سلێمان ئەتروشی، سەرۆکێ زانکۆیا دهۆك و د. صباح وەیس، راوێژكارێ وەزیرێ خواندنا بلند و ڤەكۆلینێن زانستی و د. محەمەد عەزيز ئيبراهيم، راگرێ كۆلیژا زانست، پێشانگەها سالانە یا داهێنانێ و نیشاندانا پرۆگرام و پێزانینێن پێشكەڤتی ل دۆر تەكنۆلۆژیا سەردەم ژ لایێ پشكا زانستێن كومپیۆتەری ل كۆلیژا زانست ڤە هاتە ڤەكرن.

ل دەستپێکێ، د. داود ئەتروشی دەستخۆشی ل قوتابیان كر و دیارکر کو ڤەکرنا ڤان جۆرە پێشانگەهان، کو تێدا قوتابی بەهرە و بەرهەمێ خۆ نیشانددەن، پێنگاڤەکا گەلەك باش و گرنگە، كو قوتابی كارێن باشتر ئەنجامبدەت و کار و داهێنان و بەرهەمێن وی بهێنە دیتن و نیاسین و رێز لێ بهێتەگرتن و پتر مفا ژێ بهێتە وەرگرتن. پاشی سەرۆكێ زانكۆیا دهۆک گەریانەک ل ناڤ پێشانگەهێ ئەنجامدا و ژ نێزیک هایداری پرۆژەیێن قوتابیان بوو دەستخۆشیێن خۆ ئاراستەکرن.

هەژی ئاماژێ یە ، سالانە ئەڤ پێشانگەهە ل كۆلیژا زانست دهێتە ئەنجامدان و قوتابی بەرهەمێن خۆ یێن زانستیێن داهێنەرانە نیشانددەن و قوتابی و مامۆستا و فەرمانبەرێن زانکۆیا دهۆک و مێڤانێن دەرڤەی زانکۆیێ سەرەدانێ دکەن و ئاشنایی کار و پرۆژە و بەرهەمێن قوتابیێن ڤێ کۆلیژێ دبن.

بۆ داونلۆدکرنا وێنێن ب کوالتیا بلند، ئەڤی لینکێ ل خوارێ کلیک بکە:

https://drive.google.com/drive/folders/1CPl9-ufBAQDOSGdCma_HcihAmtqYg6Bl?usp=sharing

راگەهاندنا زانکۆیا دهۆك؛ ٢٤ نیسانێ ٢٠٢٤

نیبارێ حەجی و عسمەت خابوور

فوتۆ: محەمەد عەبدولکەریم