رێکەفتی ١٤ـی چریا دووێ، ٢٠٢٤، ل ئوتێلا رێکسوس ل پارێزگەها دهۆكێ ، بەشێ نیشتەگەریا کولیژا پزیشکی ل زانکۆیا دهوک و ب هەڤکاری یا کۆمپانی یا ئەسینو یادەرمانان ،سمپۆزیومەکا زانستی ئەنجامدا

ل دۆر نیشتەگەری و تایبەتمەندیێن نیشتەگەریێ ب ئامادەبوونا د.دلدار حاجی راگرێ کۆلیژا پزیشکی و د. حسن محسن سەرۆکێ بەشێ نیشتەگەریێ و هژمارەکا زۆر ژ دکتورێن بسپۆر ب رێڤەچوو .

ل دەسپێكێ، د.دلدار حاجی راگرێ کۆلیژا پزیشکی دەست خوشی ل رێکخەرو ئەنجامدەرێن ڤی کۆنفرانسی کر و راگەهاند ئەڤ کۆنفرانسە وەکو نەرێتەکێ سالانە لێ هاتی یە دهێتە هژمارتن ژ کۆنفرانسێن نمونەی و ئەم شیاینە هژماراکا دکتورێن تایبەتمەند مێهڤان بکەین ..

ل دویڤ دا، د.عبداللە سعید، راوێشکارێ نیشتەگەری یا گشتی لدۆر پەنچەشێرا پەنگریاسێ ،گوت ئەڤ نەخوشی یە نەخۆشی یە کا بەربەلاڤ و کوژەکە ل هەمی جیهانێ ، لێ ئەم هەوڵدەیین هێشتا نەخوش ل قوناغێن دەستپێکی دەستنیشان و چارەسەر بکەین ، ب رێکا پشکنینێن تیشکێ ،

و هەر دڤی کۆنفرانسی دا،

د. جەگەر عمر تایبەتمەندێ هەستیک و شکەستنێ ، باس ل وان نەخوشیێن بەربەلاڤ کر دناڤ چڤاکی دا ، گوتژی پێدڤی یە هندەک ڤەکۆلین بهێنە ئەنجامدان دا کو ب شێن ڤان نە خوشی یان کێم ب کەین ،

د.کوردۆ ئەکرەم تایبەتمەندێ نیشتەگەریێن جوانکاریێ ، باس ل چاندنا مەمکێن ئافرەتێ کر پشتی ژێڤەکرنێ ، گوتژی ئەڤ نیشتەگەری یە گەلەکا گرنگە ژ بەرکۆ نەخوش توشی گرێ یێن دەرونی دبیت ئەگەر ئەڤ نیشتە گەری یە بۆ نەهێتەئەنجامدان ،

دویڤدا د.عبدالسلام محمد تايبەتمەندێ دفن و گوه و گەوریێ باس ل رۆلێ ئەی ئای ئانکۆ زیرەکیا دەستکرد کر ، دبوارێ نیشتەگەریێ دا ، گوتژی ب رێکا زیرەکی یا دەست کرد تۆ دشێی ب گەهیە دوماهیک زانیارێن پزیشکی ،

ل دۆماهیا ڤی کۆنفرانسی د.سەردار عارف شيرەتکارێ نیشتەگەری یا گشتی باس ل کەیسەکا کێم وێنە کر ،ب رێکا پارچە ڤیدیویەکێ شروڤەیا کەیسەکا نیشتەگەریێ کر ،ئەوژی راکرنا وەرمەکا پەنگریاسێ بۆ ب رێکا نازورێ ،

هەژی گوتنێ یە کو ئەڤ کۆنفرانسە سالانە دهێتە ئەنجام دان و تێدا نزیکی ١٥ سمینار هاتنە پێشکێشکرن ،

پشتی هەمی پەیڤداران نامێن خو گەهاندینە ئامادەبوویان، دانوستاندنێن چالاك د ناڤبەرا ئامادەبوویان دا ب رێڤەچوون و .

راگەهاندنا زانكۆیا دهۆك

نيبارێ حاجی

فوتۆ: محمد بێسکی