سەنتەرێ پەرەپێدانا کاری(CDC) ل زانکۆیا دهۆک ب هەڤکاری دگەل ڕێکخراوا ستێپ، دێ "پێشانگەها دەلیڤێن کاری" ڤەکەت، د پێشانگەهێ چەندین کۆمپانی و ڕێکخراو و کارساز ژ پارێزگەها دهۆک پشکدارن، و د بیاڤێن جودا دا دێ دەلیڤێن کاری بۆ گەنجان پێشکێشکەن.

هەژی گۆتنێ یە، پێشانگەھ دێ ل رۆژا چوارشەمبی رێكەڤتی ١١ـی شواتا ٢٠٢٦ـێ، دەمژمێر١٠:٠٠ـی سپێدێ تاکو ٠٤:٠٠ـی ئێڤاری ل سەنتەرێ کۆنفرانسا ل زانکۆیا دهۆک دێ یا بەردەوام بیت.

قوتابیێ هێژا، سلاڤ و رێز.....

سەنتەرێ پەرەپێدانا کاری ل زانکۆیا دهۆک جەنابێ تە داخواز دکەت بۆ پشکداریکرنێ دپێشانگەها دەلیڤێن کاری دا یا کو دێ هێتە ئەنجامدان ل رۆژا چوارشەمبی رێکەفتی ١١ / ٢ / ٢٠٢٦ ل دەمژمێر ١٠:٠٠ تاکو ١٦:٠٠ ل هۆلا کۆنفرانسان ل زانکۆیا دهۆک.

بۆ زانین کو دێ تە دەرفەت هەبیت سیڤیێ (CV) خۆ پێشکێشی دەهان کۆمپانی و رێکخراو و کەرتێ تایبەت بکەی.

بەریا ئامادەبوونێ:

پروفایل - (CV) یێ خۆ ئامادە بکە: و نێزیکی ٣٠ کۆپییان ژێ چێکە.

تێبینی: ئەگەر تە (CV) نەبیت، سەرەدانا سەنتەرێ پەرەپێدانی بکە بۆ هاریکاریێ.

جلکێن گونجای: داپۆشینا جلکێن فەرمی یان نیمچە فەرمی (Business Casual) کو نیشانا جدیبوونا تە بدەت.

زانیاری ل سەر کۆمپانیان: هەول بدە پێشوەخت بزانی چ کۆمپانی دپشکدارن دا کو بزانی کیژ دگەل پسپۆریا تە دگونجن.

لدەمێ چاڤپێکەفتنا کۆمپانیان:

ب باوەریێ ڤە باخڤە و کورتەیەکێ ل سەر خۆ و شیانێن خۆ پێشکێش بکە (Elevator Pitch).

پرسیارێن گونجای ل سەر کار و ژینگه‌ها کارکرنێ ل دەف وان بکە.

گرنگیێ بدە ب زمانێ جەستەی (Body Language).

پشتی چاڤپێکەفتنێ:

چاڤدێریا مۆبایل و ئیمەیلێ خۆ بکە بۆ هەر پەیوەندیەکێ ژ لایێ کۆمپانیان ڤە.

ئەگەر تە کارتا زانیاری یا نوونەرێ کۆمپانیێ وەرگرتبیت، ئیمەیلەکێ سوپاسیێ (Thank you email) بۆ فرێکە.

ب هیڤیا سەرکەفتنێ بۆ هەمی لایەکی.