سەنتەرێ گەشەپێدانا كاری ل زانكۆیا دهۆك ل رۆژا 7/4/2019 ئەو قوتابیێن ب رێیا وان پشكداری د مەشقا هاڤینێ دا كری د رێورەسمەكی دا ل ناڤەندا قوتابیان باوەرنامێن نڤیسینگەها جێگرێ سەرۆكێ حكومەتێ ب ئامادەبوونا سەرۆكێ زانكۆیا دهۆك پ. د. مصلح دهۆكی وەرگرتن.
رێڤەبەرێ سەنتەرێ گەشەپێدانا كاری شڤان خەلیل دیاركر كو پرۆگرامێ مەشقا هاڤینی وەكو چالاكیەكا سالانە ژ لایێ سەنتەری ب سەرپەرشتیا راستەوخۆ یا نڤیسینگەها جێگرێ سەرۆكێ حكومەتا هەرێما كوردستانێ ڤە دهێتە ئەنجام دان، گۆت ژی ل هاڤینا 2018 ئەو قوتابیێن پشكداربووین 90 قوتابی بوون، ل سەر نەه كۆمپانیان هاتبوونە بەلاڤ كرن، هەلسەنگاندنا قوتابی ژ لایێ كۆمپانیێ و سەنتەرێ ژی ڤە دهێتە كرن و داخوازێ ژ قوتابی دهێتە كرن راپۆرتەكی ل دووماهیا پرۆگرامی دروستكرن بكەن پاشی ئەو راپۆرت بۆ نڤیسینگەها جڤاتا وەزیران دهێنە هنارتن و ل وێرێ هەلسەنگاندنا وان هێتە كرن ل سەر وێ هەلسەنگاندنێ باوەرنامە بۆ دهێنە دروستكرن و ل سەر قوتابیان دهێنە بەلاڤ كرن.
ئیمان ئیكرام قوتابیەكا پشكدار بوو ژ پشكا بایلۆژی قووناغا چارێ دیاركر كو ئەڤ چالاكیێن هاڤینی بۆ پێشخستنا ئاستێ زانستی یێ قوتابیان ب مفا نە و گۆت مەشقا مە ل نەخۆشخانەكا تایبەت بوو كو هندەك تێست مە ل وێرێ دكرن گەلەك دگرنگ بوون كو قوتابی بزانن.
هەر د رێورەسمی دا ئەو كۆمپانیێن قوتابیان مەشق لێ ئەنجام دایی سوپاسنامێن جڤاتا وەزیران وەرگرتن.