گرنگییێن من یێن ڤەکۆلینێ ل سەر خواندنێن فەلسەفی و پەروەردەیی چڕ بووینە، ب تایبەتی پەیوەندییا د ناڤبەرا هزرێ فەلسەفی و پرۆسەیا پەروەردەیی دا، و رۆلێ وان د ئاڤاکرنا هشیاریا ئەکادیمی و پەروەردەیی دا. هەروەسا ئەز یێ مۆکم بوویمە ل سەر خواندنا کێشێن پەروەردەیی یێن سەردەم، ڕێبازێن وانەگوتنێ، پێوانە و هەڵسەنگاندن، و کارگێڕی و سەرپەرشتییا پەروەردەیی، کو ئەڤە هەمی پێکڤە پشکدار دبن د گەشەپێدانا ژینگه‌ها پەروەردەیی و باشترکرنا ئەنجامێن وێ یێن ئەکادیمی دا.

ڤەکۆلینێن من هەول دایە دیتنێن فەلسەفی ب کار بینن بۆ شیکارکرنا ئاریشەیێن پەروەردەیی و پێشکێشکرنا چارەسەریێن زانستی کو پشکدار بن د بلندکرنا کوالێتیا پەروەردێ و گەشەپێدانا هزرینا رەخنەگرانە و داهێنەرانە ل دەف قوتابیان. زێدەباری ڤێ چەندێ، من گرنگی یا دایە رەهەندێن مرۆڤی و ئەخلاقی یێن پەروەردێ، و رۆلێ دەزگەهێن پەروەردەیی د ئاڤاکرنا نەوەیەکێ خودان زانست، هشیاری، و بەرپرسایەتییا جڤاکی دا، ب شێوەیەکێ کو ل گەل پێشکەفتنێن زانستی و پەروەردەیی یێن سەردەم بگونجیت.

من ل سالا 2023ێ دەست ب کارێ مامۆستایەتیێ ل زانکۆیێ کر ل پشکا جوگرافیا ل کۆلێژا پەروەردا بنیات، زانکۆیا دهۆکێ. د ڤێ ماوەیێ دا، من چەندین وانەیێن سەرەکی یێن پەروەردەیی گۆتنەو، ژ وان ژی: ڕێبازێن وانەگوتنێ، پێوانە و هەڵسەنگاندن، و کارگێڕی و سەرپەرشتییا پەروەردەیی. ئارمانجا ڤان وانان گەشەپێدانا شیانێن پیشەیی یێن قوتابیانە و بەرهەڤکرنا وانە دا کو ب شێوەیەکێ کارا و سەرکەفتی د بیاڤێ پەروەردێ دا کار بکەن.

د شێوازێ وانەگوتنا خۆ دا، من مفا ژ ڕێبازێن سەردەم یێن پەروەردەیی وەرگرت کو دهێنە ئاڤاکرن ل سەر بنەمایێ پشکداریا قوتابیان، گۆتوبێژ، و گەشەپێدانا هزرینا رەخنەگرانە، د هەمان دەم دا من گرنگی ب گرێدانا لایەنێ تیۆری ب یێ پراکتیکی (کریاری) ڤە ددا. ئەڤ رێکارە دبیتە ئەگەرێ بلندکرنا کوالێتیا پرۆسەیا پەروەردەیی و ب دەستڤەئینانا ئارمانجێن وێ یێن زانستی.

ژ سالا2024ێ وەرە، من سەرپەرشتییا پرۆژەیێن دەرچوونێ یێن قوتابیێن قۆناغا چارێ ل پشکا جوگرافیا ل کۆلێژا پەروەردا بنیات، زانکۆیا دهۆکێ کرییە. ئەڤ ڤەکۆلینە پتر گرنگیێ ددەنە ڕێبازێن وانەگوتنێ و کێشێن پەروەردەیی یێن سەردەم، ب ئارمانجا گەشەپێدانا شیانێن ڤەکۆلینێ ل دەف قوتابیان و بهێزکرنا خودان شیانییا وان بۆ بکارئینانا میتۆدۆلۆژیایێن زانستی د خواندن و شیکارکرنا ئاریشەیێن پەروەردەیی دا.

هەروەسا من سەرپەرشتییا هەمی قۆناغێن پرۆسەیا ڤەکۆلینێ کرییە، ژ هەلبژارتنا بابەتی و دارێژتنا ئاریشەیێ بگرە هەتا گەهشتنە قۆناغا شیکارکرنا ئەنجامان و نڤیسینا ڤەکۆلینێ ل دویف ستانداردێن ئەکادیمی یێن جێگیربووی. ئەز یێ رژد بوویمە ل سەر ئاراستەکرنا قوتابیان بەرەف هزرینا رەخنەگرانە و بکارئینانا ڕێبازێن زانستی یێن سەردەم، کو ئەڤ چەندە بوویە ئەگەرێ بلندکرنا کوالێتیا پرۆژەیێن دەرچوونێ و ب هێزکرنا گرێدانا د ناڤبەرا لایەنێن تیۆری و پراکتیکی دا د بیاڤێ پەروەردێ دا.

لا توجد سيرة ذاتية