سەنتەرێ ڤەکولینێن جینوسایدێ ل زانکویا دهوک کوربەندەکێ تایبەت لدور سالیادا ٣٧ سالیا ئەنفالا بادینان ئەنجامددا، بهەڤکاری دگەل رێکخراوا ٨٨ یا ناساندنا تاوانێن ئەنفالێ.

سەروکێ زانکویا دهوک، د. داود سلێمان ئەتروشی، د پەیڤەکێدا تەکەزی لسەر گرنگیا ئەڤان جورە کوربەندان و بەردەوەمیدان ب پێشڤەبرنا خاندنێت جینوسایدی کر.

سێ تەوەر هاتنە پێشکێشکرن ژلایێ کەسێت بسپور وشارەزا د بیاڤێ جینوسایدێدا کو تەکەزی لسەر ئەنفالا بادینان کرن. پاشی بەشداربویێت کوربەندی کو ژ تەخێت جیاواز پێکهاتبوو پشنیار وسەربور وپرسیارێن خو پێشکێشکرن وگەنگەشە هاتەکرن.