راگەهاندن بو قوتابیێن پشکا خواندنێن ئاشتیێ ومافێ مروڤی
سەنتەرێ خواندنێن ئاشتیێ وچارەسەرکرنا ململانێ ل زانکویا دهوک و ب پشتەڤانیا یا رێکخراوا MCC دێ رابیت ب جێبەجێکرنا پروژێ خو یێ لژێر ناڤ و نیشان ئاڤاکرنا شیانێن گەنجان بو پشکداریا ئارمانجدار د دەستپێشخەریێن هەڤگرتنا چڤاکی
پروژە پێکدهێت ژ ڤان چالاکیان:
1- خولەکا راهینانێ ل سەرپلان دانان ودیزاینکرنا دەستپێشخەریێن هەڤگرتنا چڤاکی بو ماوێ 3 روژان؛
2- ئەنجامدانا چەندین دەستپێشخەریێن هەڤگرتنا چڤاکی دناڤ زانکویا دهوک دا.
هەر قوتابیەکێ ل پشکا خواندنێن ئاشتیێ ومافێ مروڤی کولیژا زانستێن مروڤایەتی ل زانکویا دهوک حەزا بەشداریێ هەبیت هیڤیە بەرسڤى لسەر هەمی پرسیارین ل خوارێ بدەت داکو بشیت تومارکرنێ د پروژەی دا بکەت.
تێبینى:
1. بەشداریا تە دڤێ تومارکرنێ دا وێ مانایێ نادەت کو تو یێ هاتیە هەلبژارتن، بتنێ 20 قوتابی ئەوێن مەرجێن بەشداریێ دەڤ هەبن دێ هێنە هەلبژارتن کو ببنە بەشداریێن ڤى پروژەی.
2. ئەگەر هاتیە وەلگرتن د ڤى پروژەی دا دێ ئاگەهداریا تە هیتە کرن ودڤیت كوپیەكا رەنگ ورەنگ ژ هەر ناسنامەکا نوى دگەل خو بینی.
3. دوماهیک ژڤان بو تومارکرنێ روژا 18/12/2019
4. كريێن هاتن وچوونێ بو خولێن راهینانێ دهینە دابینکرن
مەرجێن پێشکێشکرن و بەشداریکرنێ:
1. دڤیت پێشکێشکار قوتابیێ پشکا خواندنێن ئاشتیێ ومافێ مروڤی کولیژا زانستێن مروڤایەتی، وقوتابیێ قوناغا ئیکێ نەبیت.
2. دڤیت پێشکێشکار یێ بەرهەڤ بیت وەک خوبەخش کار بکەت د پروژەی دا.
3. خولێن راهینانێ دێ بشتی دەواما فەرمی هینە ئەنجامدان لەوما پێشکێشکار دڤیت یێ بەرهەڤ بیت بو بەشداریێ د خولێن پروژەی دا بشتی دەمژمێرێن وانێن زانکویێ.
4. پێتڤیە پێشکێشکەرى حەز هەبیت د بەلاڤکرنا کەلتوورێ ئاشتیێ ولێبوورینێ و قەبوول کرنا هەڤدو و باوەرى بڤان پرنسیپان هەبت وشیانێن ئەنجامدانا دەستپێشخەریا هەبیت.
5. پێشکێشکەرێ دهیته وەلگرتن دێ سوزنامەکێ ئیمازە کەت کو دێ یێ بەردەوام بیت د هەمی چالاکیێن پروژەی دا.
* دەلیڤێن بەشداریێ د پروگرامى دا دێ د وەک هەڤ بن بو کور و کچان.
* پێشکێشکرن ژ هەمى ئایین و ئیتنیاتان وقوتابیێن ئاوارە وپەنابەر یا بخێرهاتن لێکریە
بو تومارکرنێ، هیڤیە لینکی ل خارێ ڤەکەی