پشکا گەشەپێدانا IT
ئەم دیزاین، درۆستکرن، مێڤانداریکرن و چاڤدێریکرنا ژێرخانەیا دیجیتالی یا زانکۆیا دهۆکێ دکەین — ژ مالپەرێن گشتی و پلاتفۆرمێن فێرکرنا ئهلیکترۆنی، هەتا دگەهیتە سێرڤەرێن ناڤخۆیی و سحابى. ب سایا ئەزموونا درێژ یا تیمێ مە، زانکۆیا دهۆک بەردەوام سەرخەت، پاراستی و بەرەڤ پێش دچیت.
ئەم کینە
پشکا گەشەپێدانا IT بالێ پرۆگرامسازی و ژێرخانەیا تەکنیکی یێ ڕێڤەبەريیا تەکەنۆلۆجیا پێزانینانە ل زانکۆیا دهۆکێ. گەشەپێدەر و ئەندازیارێن سیستەمێن مە ئەزموونەکا دەهەیان ب ئاوایەکێ کرداری خستینە سەر هەڤ — ژ پرۆگرامێن کلاسیك یێن PHP هەتا ئۆکارێن نووژەن یێن Python و JavaScript، و ژ سێرڤەرێن ناڤخۆیی یێن HPE ProLiant هەتا سێرڤەرێن سەربەخۆ و VPS. هر پێدڤییەکا زانکۆیێ ل سەر تۆڕا وێبێ هەبیت، ئەم چێدکەین، بەلاڤدکەین و ب بەردەوامی دکاردا دهێلین.
ئەرک و بەرپرسیاریەتی
کارێن مە د چوار تەخێن سەرەکی و گرێدایی ئێک و دو دا دهێنە دابەشکرن.
گەشەپێدانا وێبێ
درۆستکرن و چاڤدێریکرنا مالپەرێن زانکۆیێ و ئەپلیکەیشنێن جۆراوجۆر ب ڕێکا PHP، Laravel، WordPress، و Python دگەل Django و Wagtail — زێدەباری بەرنامەسازییا ڕوویێ وێبێ و مۆبایلێ ب ڕێکا React و Flutter. داتابێس ژی ب ڕێکا MySQL و PostgreSQL دهێنە ڕێڤەبرن.
ڕێڤەبرنا سێرڤەران
ئەم ڕێڤەبرنا کۆمەکا سێرڤەرێن ناڤخۆیی، VPS و سێرڤەرێن تایبەت دکەین کو ب سیستەمێ Ubuntu و AlmaLinux کاردکەن، ب ڕێکا لوحەیێن CloudPanel، cPanel و WHM. ترافیکا وێبێ ژی ب ڕێکا Nginx، Apache و Gunicorn ل گۆرەی تەکنۆلۆجیا هر پرۆژەیەکێ دهێتە ڕێڤەبرن.
مێڤانداریکرن، DNS و دۆمێن
ڕێڤەبرنا سێرڤەرێن DNS یێن زانکۆیێ و ڕێکخستنا دۆمێنان ب ڕێکا Cloudflare، دگەل ئەزموونەکا تەمام د پلاتفۆرمێن Hostinger، HostGator، Contabo و GoDaddy دا — بۆ هەڵبژارتنا جهێ گونجای بۆ هر خزمەتگوزارییەکێ.
پلاتفۆرم و هەڤکارییا دیجیتالی
مێڤانداریکرن و پشتیڤانیا سیستەمێ Moodle بۆ فێرکرنا ئەلیکترۆنی، Open Journal Systems بۆ گۆڤارێن زانستی، ئیمەیلێن زانکۆیێ ل سەر Google Workspace، و سیستەمێ Zoom بۆ کۆبوونەوە و وانەیێن ئۆنلاین ل سەرانسەری کۆلیژان.
تەخێن تەکنیکی: ژ ئامێران هەتا وێبگەڕی
هر تەخەکا بوارێ دیجیتالی یێ زانکۆیێ ب ڕێکا پشکا مە دا دەرباز دبیت.
دەستکەفتێن دەستنیشانکری
- مالپەرێن سەراسەری یێن زانکۆیێ: درۆستکرن و چاڤدێریکرنا مالپەرێ سەرەکی یێ زانکۆیێ دگەل ب دەهان مالپەرێن کۆلیژ، پشک و سەنتەران — زێدەباری گەشەپێدانا ئەپلیکەیشنێن جۆراوجۆر ب ڕێکا Laravel، WordPress، Django و Wagtail.
- سیستەمێ فێرکرنا ئۆنلاین: بەلاڤکرن و مێڤانداریکرنا سیستەمێ Moodle بۆ هەمی زانکۆیێ، کو پشتیڤانیا هزاران قوتابی و مامۆستایان دکەت د پرۆسەیا فێرکرنێ دا.
- وەشانخانا زانستی: ڕاگەهاندنا سیستەمێ Open Journal Systems بۆ دانانا ژینگەکا پیشەیی و دەستنیشانکری بۆ گۆڤارێن زانستی یێن زانکۆیا دهۆکێ.
- نووژەنکرنا ژێرخانەیێ: ڤەگوهاستنا مێڤانداریکرنێ ژ سێرڤەرێن هەڤپشك بۆ سەر سێرڤەرێن ڕێكخستی یێن Ubuntu و AlmaLinux — تێکەڵەک ژ سێرڤەرێن ناڤخۆیی یێن HPE ProLiant (G6 هەتا G8)، سێرڤەرێن VPS، و سێرڤەرێن تایبەت.
- سیستەمێ کۆپیا پاشکەوت: درۆستکرنا سێرڤەرەکێ تایبەت بۆ کۆپیا پاشکەوت (Backup) و بەستنا وێ ب خزمەتگوزاریا سحابیا iDrive e2، بۆ پاراستنا هەمی مالپەر و داتابێسان ب ئاوایەکێ خشتەکری.
- پەیوەندیێن ئێکگرتی: دابینکرنا ئیمەیلێن فەرمی یێن زانکۆیێ ل سەر Google Workspace و ڕێکخستنا سیستەمێ Zoom بۆ وانە، کۆنفرانس و مناقشەیێن زانستی.
- پتەوکرنا ئاسایشێ و DNS: کۆمکرنا ڕێڤەبرنا دۆمێنان ل ژێر چاڤدێرییا Cloudflare دگەل سێرڤەرێن مە یێن DNS، کو بوویە ئەگەرێ بلندکرنا خێراییێ، پاراستن ژ هێرشێن DDoS، و دابینکرنا بڕوانامەیێن SSL بۆ هەمی دۆمێنێن زانکۆیێ.