What do you want to make our translation better
May 9, 2019, 1:13 p.m.

ل ریكەفتی 2/5/2019 ل سەنتەرێ‌ رەوشەنبیری و جڤاكی یێ‌ زانكۆیا دهۆك رونشتەكا ڤەكری هاتە رێكخستن ژلایێ‌ رێڤبەریا سەنتەری دگەل كولیژا زمانان و سەنتەرێ‌ ڤەكولینێن پەروەردەی، ئەڤ رونشتنە بناڤێ‌ " چ بهێتە كرن ژبو وەرگێرانەكا خورتر"

ل دەستپێكا رونشتێ‌ رێڤەبەرێ‌ سەنتەرێ‌ رەوشەنبیری و جڤاكی ماموستا هوشیار سەعید پەیڤا ب خێرهاتنێ‌ پێشكێش كر و گوت"ئەڤ وەرگێرانا مە هەی یا ب شكلەكێ‌ عشوائیە لێ‌ دهەمان دەم دا جهێ‌ دەست خوشیێ‌ یە كو ئەڤرو كومەكا هەڤالان رادبن ب وەرگێرانا پەرتوكان ژ زمانەكێ‌ بیانی بو زمانێ‌ كوردی، مە وەكو زانكۆیا دهۆك هەست پێكر كو ئەڤ وەرگێرانە دبوارێ‌ ئەكادیمی و زانستی دا پتر ب هێزتربیت دا كو حەزو ڤیانێن خاندەڤانی پتر ببن ژبو ڤی بەرهەمی مە ئەڤ رونشتنە رێكخست.

رێڤەبەرێ‌ سەنتەرێ‌ ڤەكولینێن پەروەردەی دكتور سابر زێباری گوت" سەنتەرێ‌ ڤەكولێنێن پەروەردەی ل زانكۆیا دهۆك ب هەفكاری كولیژا زمانان و سەنتەرێ‌ رەوشەنبیری ب هەلكەفتا رۆژا جیهانیا پەرتوكان مە فەر دیت ئەم پروژەكێ‌ ب ڤی شێوەی ب رێكا روشتنەكێ‌ پێشكێش بكەین و تێدا گەنگەشێ‌ ل سەر چاوانیا خورتكرنا وەرگێرانێ‌ بەحس بكەین، مەرەما ب ڤێ‌ رونشتێ‌ ئەوە كو ژێدەرێن زانستی و ئەكادیمی دناڤا زانكۆیێ‌ دا زێدەتر لێ‌ بكەین دیسان ئەڤ وەرگێرانا نوكە هەی بەحس وان خالێن لاواز بكەین ژبو هندێ‌ پتر قوتابی مفای ژ ڤان ژێدەرا ببینن دیسان قوتابیێن زانكۆیێ‌ ژی مفای ژێ‌ وەرگرن.

دكتور سابر زێباری گوت رونشتنا مە دێ‌ دابەش بیتە ل سەر چەند تەوەران ئێك ژوانا سەربورا كەسایەتی د روەرگێرانێ‌ دا ئەوژی بەرژەنگ زێباری كو چەندین پەرتوك وەرگێراینە سەر زمانێ‌ كوردی دێ‌ بەحسێ‌ سەربورا خو كەت، دیسان دكتور محمد صالح راگرێ‌ كولیژا زمانان ل زانكۆیا دهۆك دێ‌ بەحسێ‌ وەرگێران و زمانڤانیا بەراورد و ئەو رەگەزێن ژ بهایێ‌ وەرگێرانێ‌ كێم دكەن ئەوژی تەوەرێ‌ دكتور ئەمین عەبدولقادر دێ‌ پێشكێشكەت و ل دوماهیێ‌ دێ‌ گەنگەشە ل سەر ڤان تەوەران هێنە كرن و ب ئانەهیا خودێ‌ دێ‌ بیتە پێنگاڤەك ژبو كونفرانسەكی د پاشەروژێ‌ دا.