ب ئامەدەبوونا هاریكارێ سەرۆكێ زانكۆیێ بو كاروبارێن كارگێری و دارایێ د. حجی موسا ل سەنتەرێ رەوشەنبیری و جڤاكی یێ زانكۆیا دهۆك كونفرانسەك ل ژێر ناڤێ (دابینكرنا مافێ خواندنێ بو ئاواران، نەهێلانا نەخویندەواریێ و بەرقەراربوونا هەردەمی) ل زانكۆیا دهۆك ل روژا 18/9 هاتە گێران.
ل دەسپێكێ چەند پەیڤەك هاتنە خواندن ژ لایێن رێكخەرێن كونفرانسێ ڤە و پەیڤا زانكۆیا دهۆك ژ لایێ ریڤەیەرێ سەنتەرێ رەوشەنبیری و جڤاكی یێ زانكۆیا دهۆك ماموستا هشیار سعید پێشكێشكر ل دور ژمارا زور یا ئاوارەیێن هاتینە كوردستان ژ بەر شەرێ (داعش) كو ژ خواندنێ بێ‌َ بەهربووینە ژ بەروێ چەند دڤێت مافێ وان خواندنێ بێتە پاراستن و دەزگەهێن خواندنێ و رێكخراوێن جڤاكێ سفێل ل هەرێما كوردستانێ هەر ژ دەسپێكا هاتنا ئاوارەیان خو ل ڤی بابەتی گریە خودان و هەمی هەول داینە كو بێ بەهر نەبن ژ خواندنێ.
ل ڤێ كونفرانسی ژمارەكا بابەت و ڤەكولینێن گرنك هاتنە گەنگەشە كرن ژ وان گرفتێن خواندنێ ل خیفەتگەهێن ئاواران و پلانێن خواندنێ بو قواناغا پشتی رزگاركرنا باژێری میسل هەروەسا بابەتی رولێ رێكخراوێن جڤاكێ سفیل و دەزگەهێن میری بو پێشڤەبرنا خواندنێ هاتە گەنگەشەكرن.