ئەڤرۆ،رۆژا دووشەمب، رێکەڤتی ١٢ـی تەباخا ٢٠٢٤ـێ، ب پشکداریا د. نەبەز ئیبراهیم هاریکارێ سەرۆکێ زانکۆیا دهۆک، و د. ئەمین عبدولقادر ئەندامێ لژنا سەرپەرشتێیا پرۆگرامی پشکدارێن پرۆگرامێ هاڤینێ یێ لاوێن کوردێن دیاسپۆرا یێ زانکۆیا دهۆک سەرەدانا پەرلەمانێ کوردستانێ کر.

دەستپێکێ ڤێ سەرەدانێ دا، پشکدارا گەریانەک ل پەرتۆکخانا پەرلەمانی دا ئەنجامدا کو ئێک ژ پشکێن گرنگێن پەرلەمانیە، پاش ژلایێ محەمەد علی سەرپەرشتیارێ پەرتوکخانێ ڤە باس ژ پەرتۆکخانا پەرلەمانی هاتەکرن، و دیارکر؛ نێزیکی ١٢هزار ناڤونیشانان ل پەرتۆکخانێ هە نە کو زوربەیا وان ب زمانێ کوردی و عەرەبی و ئینگلیزینە، هەروەسا گۆت ژی: پەرلەمانتار و فەرمانبەر و قوتابیێن خواندنا بلند مفایی ژێ د بینن ب تایبەتی ل دەمێ ئەنجامدانا ڤەکۆلینێن زانستی ژلایێ ڤەکۆلەرانڤە.

پاشی، سەرەدانا هۆلا پەرلەمانی کر، ژلایێ تیما پرۆتوکۆلا پەرلەمانیڤە هاتنە پێشوازیکرن، و ب شێوەکێ گشتی باس ل پەرلەمانێ کوردستانێ و جەوانیا ئەنجامدانا روینشتن پەرلەمانی هاتەکرن، کو وەکو ئێک ژ دەست کەڤتێن مەزنێن پرۆسیا سیاسی و دیموکراسی یا هەرێما کوردستانێ.

هەر دڤێ سەرەدانێ دا، د. وەعد سلێمان راوێژکارێ یاسایی یێ ل پەرلەمانێ کوردستانێ، روینشتنەک ئەنجامدا، هەر ل دەسپێکێ خۆشحالیا خۆ ژ بۆ ئەڤی پرۆگرامێ گرنگێ زانکۆیا دهۆک دیارکر ژبو گرنگی دان ب لاوێن کوردێن دیاسپۆرایێ، هەروەسا دڤێ روینشتنێ دا راوێژکارێ پەرلەمانێ کوردستانێ ب هویری باس ل پەرلەمانێ کوردستانێ کر، ب تایبەتی د دانان یاسایاندا وەکو ئێک ژ ئەرکین سەرەکی.

ل دویماهیێ ژی، د. نەبەز ئیبراهیم هاریکارێ سەرۆکێ زانکۆیا دهۆک ب ناڤێ سەرۆکاتیا زانکۆیا دهۆک، سوپاسیا راوێژکار و ستافێ پەرلەمانێ کوردستانێ کر، ژبو پێشوازیا وان ل پشکدارێن پرۆگرامێ هاڤینێ یێ لاوێن کوردێن دیاسپۆرا یێ زانکۆیا دهۆک، دانەنیسینا پەرلەمانێ کوردستانێ بۆ لاوێن کوردێن دیا سپۆرا. ه

ەژی گوتنێ یە، پرۆگرامێ هاڤینێ یێ لاوێن کوردێن دیاسپۆرایێ زانکۆیا دهۆک، ئێکەم جارە ل هەرێما کوردستانێ ل زانکۆیا دهۆک ب چاڤدێریا د. داود سلێمان ئەتروشی سەرۆکێ زانکۆیێ دهێتە ئەنجامدان، و ل رێکەفتێ ٤ـى ئاب ٢٠٢٤ـێ ل زانکۆیا دهۆک دەستپێکریە، ب پشکداریا ١٦ گەنجێن کوردێن هەرچار پارچێن کوردستانێ یێن ل دەرڤەى کوردستانێ دژین بۆ دەمێ دوو حەفتیا دێ یێ بەردەوام بیت، کو رۆژانە ژ لایێ ماموستایێن پسپۆرێن زانکۆیا دهۆک ڤە ب بەرنامەکێ دارشتى چەندین سمینار و چالاکى سەرەدان بۆ باژێرێن هەرێما کوردستانێ دهێتە ئەنجامدان.

#پرۆگرامێ_هاڤینێ_یێ_لاوێن_کورد_زانکۆیا_دهۆک

راگەهاندنا زانکۆیا دهۆک؛ ١٢ـی تەباخا ٢٠٢٤ـێ.

نڤیسین و فۆتۆ: حسێن تتمی