زانکۆیا دهۆك، ٤ـی چریا ئێكێ ٢٠٢٦ | نڤیسینگەها راگەهاندنا زانکۆیێ (UNPO) — وەك دەستکەڤتەکێ ئەکادیمی یێ بەرچاڤ، تیما "سەیف ئەلبەیان" نوینەرا کۆلیژا یاسا ل زانکۆیا دهۆك، دەربازی قۆناغا ١٦ بوو د بەریكانا دادگەها گرێمانەیی دا، ئەڤە ژی د ناڤبەرا ٨٠ تیمێن پشکدار یێن کو نوینەرایەتیا زانکۆیێن عیراقێ دکەن.

ئەڤ پشکداریا تیمێ د بەریکانێ دا ب سەرپەرشتیا د. ئەڤین خالد عەبدولرەحمان، راگرا کۆلیژا یاسا، و ل ژێر چاڤدێریا د. ئاری عارف عەبدولعەزیز، رێڤەبەرێ کلینیکا یاسایی ل کۆلیژێ برێڤەچوو.

ل رێکەڤتی ٢٥ـی ئیلۆنا ٢٠٢٦، تیمێ داکۆکیکرنا خۆ یا ئێکێ ئەنجامدا وەك بریکارێ دۆزداری ل دژی تیما زانکۆیا زی قار. قوتابی (شفنم شمي) پشکا رێکارێن داوایێ پێشکێشکر، و قوتابی (نور باسم) پشکا بابەتی بابەتی پێشکێشکر، هەروەسا قوتابی (دوورهيل هەوار) ژی وەك ئەندامێ تیمێ پشکدار بوو.

هەروەسا تیمێ ل رێکەڤتی ٢٦ـی ئیلۆنێ، داکۆکیکرنا خۆ یا دووێ ئەنجام دا وەك بریکاردەری ل دژی تیما "سەنهوریون" ل زانکۆیا ئەلمەشرق. داکۆکیرن ب گفتوگۆیێن تێروتەسەل یێن یاسایی هاتنە ئەنجامدان، و ئەندامێن تیمێ شیانێن خۆ د شیکارکرنا پرسێن یاسایی و پێشکێشکرنا بەلگەیێن رێکخستی د ژینگەها دادگەها گرێمانەیی دا نیشاندان.

ل رۆژا دووشەمبێ رێکەڤتی ٢٨ـی ئیلۆنا ٢٠٢٦، ئەنجامێن قۆناغا ئێکێ هاتنە راگەهاندن، کو تێدا سەرکەڤتنا تیما سەیف ئەلبەیان بۆ قۆناغا ١٦ هاتە پەسەندکرن، و ب ڤێ چەندێ تیم کەڤتە د رێزا باشترین تیمێن پشکدار د پێشبڕکیێ دا.

ئەڤ دەستکەڤتە رەنگڤەدانا بزاڤێن ئەندامێن تیمێ یە، دگەل پشتەڤانیا بەردەوام یا کۆلیژا یاسا و کلینیکا وێ یا یاسایی ژبۆ گەشەپێدانا شیانێن پارێزەری یێن قوتابیان و رەخساندنا دەلیڤەیێن کریاری بۆ بهێزکرنا شیانێن وان یێن ئەکادیمی و پیشەیی.

ڤێره کلیك بکە بۆ دیتنا وێنەیان

نڤیسینگەها راگەهاندنا زانکۆیێ، ٤ـی چریا ئێكێ ٢٠٢٦
راپۆرت: فاطمە محمود عەلی