دهۆک، ١٥ـی تیرمەها ٢٠٢٥ـێ | نڤیسگەها راگەهاندنا زانکۆیێ (UNPO) — زانکۆیا دهۆک (UOD) ب شانازی ڤە سەرکەڤتنا تیمێ قوتابیێن خۆ ل گەرا شەشێ یا پێشبڕکا Start Cup 2025 پیرۆز دکەت، کو ل دەمێ کۆمبوونا گشتی یا UNIMED ل زانکۆیا کالابریا، ئیتالیا، ل ٩ و ١٠ـی تیرمەهێ هاتە برێڤەبرن.

پڕۆژێ وان یێ سەرکە/تی، پانێلا V.K.F (سیستەمێ ڕووکارا کینەتیکی)، بەرسڤەکا نوی بۆ ئاستەنگێن کەشێ گەرم پێشکێش دکەت. پڕۆژە تەکنۆلۆژیا رۆژێ، سێبەرا دینامیکی، و میکانیزمەکا سارکرنا ب ئاڤێ تێکەل دکەت بۆ کێمکرنا پلەیا گەرمیێ ل ناڤخۆ و پێشڤەبرنا بکارئینانا وزەیا دۆمدار.

تایبەتمەندیێن سەرەکی یێن پانێلا V.K.F:

• پانێلێن رۆژێ بۆ بەرهەمهێنانا وزەیا دۆمدار
• هەناسێن سێبەرا لڤینی بۆ کێمکرنا وەرگرتنا گەرمیێ
• سیستەمێ سارکرنا ل سەر بنەمایێ ئاڤێ بۆ کۆنترۆلا پلەیا گەرمێیا ناڤخۆ

ئەڤ پێشنیارا پرۆژەی کو سیستەمەکی پێشکێش دکەت هاتیە دیزاینکرن بۆ کێمکرنا بکارئینانا وزەیێ ب زێدەتری ٣٠% و دابەزاندنا پلەیا گەرمێیا ناڤخۆ ب ٨–١٠ پلەیێن سەلسیۆس، بۆ جێبەجێکرنێ ل عیراقێ و هەرێما MENA یا بەرفرەهتر گونجای یە.

قوتابیێن داهێنەر:

• کاودان محەمەد علی
• سەهەند شاکر ئیسماعیل

تیمێ سەرپەرشتیێ:

• د. ڕێبین ڕەمەزان حەمزە سلێڤانی – سەرپەرشتێ کارگێری
• د. ئەحمەد خەیرەدین علی – سەرپەرشتێ تەکنیکی

د روینشتنەكا فەرمی دا، د. نەبەز ئیبراهیم محەمەد، هاریكارێ سەرۆکێ زانکۆیێ بۆ کاروبارێن قوتابیان، پێشوازی ل سەرپەرشت و قوتابیان کر و پیرۆزباهیێن خۆ بۆ ڤێ دەستکەڤتا گرنگ پێشکێشکرن.

ئەڤ دەستکەڤنە رەنگڤەدانا پابەندبوونا ستراتیژی یا زانکۆیا دهۆکە ب داهێنان، دۆمداری، و پشکداریا جیهانی وەک د پلانا ستراتیژی ٢٠٢٣–٢٠٣٨ دا هاتیە دیارکرن. هەروەسا شیانێن داهێنەری یێن قوتابیێن زانکۆیا دهۆک ل قۆناغەکا ناڤدەولەتی دا نیشان ددەت.

زانکۆیا دهۆک سوپاسیا خۆ یا ڕاستگۆ پێشکێشی UNIMED – ئێکەتیا زانکۆیێن دەریایا ناڤەراست و زانکۆیا کالابریا دکەت بۆ رێکخستنا پێشبڕکێ و دابینکرنا پلاتفۆرمەکی بۆ دیارکرنا چارەسەریێن گەنجان بۆ ئاستەنگێن جیهانا ڕاستەقینە.

بۆ وێنەیان ڤێرە کلیک بکە

نڤیسگەها راگەهاندنا زانکۆیێ، ١٥ـی تیرمەهێ، ٢٠٢٥

راپۆرت ژ لایێ: فاطمه محمود علی

پەیڤێن سەرەکی:

• زانکۆیا دهۆک Start Cup 2025
• داهێنانا پانێلا V.K.F
• کارسازیێن قوتابیێن عیراقی
• کۆمبوونا گشتی یا UNIMED
• وزەیا دۆمدار ل عیراقێ