ناڤەندا قوتابیان یا زانکۆیا دهۆک ب هەڤکارى ل گەل جڤاتا کەلتۆرى یا بریتانى، ڕۆژا پێنجشەمبى، رێکەڤتى ١٤ـى /١١/٢٠٢٤ـێ، ل ناڤەندا قوتابیان، ب ئامادەبوونا د. لوقمان هادى حەسەن هاریکارێ سەرۆکێ زانکۆیا دهۆک، و ئەندرۆ بیزلی قۆنسلێ گشتى یێ بەریتانیا ل هەولێرێ، هژمارەکا ڕاگر و ماموستا و قوتابیێن زانکۆیا دهۆک، دیدارا ”هەفکاریا کەلتوری و موزیکێ یا کوردستانى و ئێرلەندى بۆ ئاشتى و سەلامەتیێ“ هاتە ئەنجامدان .

د پەیڤەکێ دا، د. لوقمان هادى حەسەن هاریکارێ سەرۆکێ زانکۆیا دهۆک، ب گرنگیڤە باس ل ئەنجامدانا ئەڤێ دیدارا گرنگا هونەرى کر، و گۆت: هیڤیخوازین ب بشێن د بیاڤێ هونەرى دا دگەل قۆنسلخانەیا گشتى یا بریتانیا ل هەولێرێ کار و پرۆژەیێن باشتر ئەنجامبدەین.

هەروەسا، د. ئەیوب رەمەزان ڕگرێ کۆلیژا هۆنەرێن جوان یا زانکۆیا دهۆک، ب گرنگیڤە باس ل ئەنجامدانا ئەڤێ چالاکیێ کر و گۆت: هونەر ژ وان بوارایە کو بەردەوام جهێ گرنگى پێدانێیە ل زانکۆیا دهۆک، پرا بهێزکرنا پەیوەندیایە دناڤبەرا نەتەوەیێن جودادا.

پاشى، ئەندرۆ بیزلی قۆنسلێ گشتى یێ بەریتانیا ل هەولێرێ، د پەیڤەکێ دا سوپاسیا زانکۆیا دهۆک کر بۆ رێکخستنا ئەڤێ چالاکیێ و دیارکر: جهێ سەرنجراکێشیێ یە بۆ مە ژبەرکو ل کوردستانێ د هەمى چالاکى و کۆنفرانساندا دبین گرنگیەکا مەزن ب مۆزیکێ دهێتە داین.

د بەردەوامیا چالاکیێ دا، پاشی گروپێ مشەخت پارچە میۆزیکەک پێشکێشکر کۆ میۆزیکەکا تێکەل بوو ب حەفت پارچان و هەر پارچەکێ ژی دەربرین ژ زاراڤ و نەتەوێن جودا ل عراقێ و کوردستانێ کر وەک سومبولەک بۆ هەبوونا پێکڤەژیانا هەمی نەتەوەیان ل کوردستانێ، ل دویڤدا تیما ئێرلەندی یا باکور پارچە میۆزیکەک ژ کەلتورێ خۆ یێ ئێرلەندی پێشکێشکر.

هەروەسا پەنەلەک لدۆر هونەر و ئاڤاکرنا ئاشتیێ هاتە پێشکێشکرن و ل دوماهیێ پارچێن میۆزیکێ یێن هەڤپشک ژلایێ هەردوو گروپێن مشەخت و ئێرلەندا باکورڤە هاتە پێشکێشکرن.

بۆ دیتنا وێنەیێن دیدارێ لینکێ ل خوارێ کلیلک بکە

https://drive.google.com/drive/folders/1-noevryYyIJm5jaxYfPg-19G05hOt7xU?usp=sharing

بۆ دیتنا دیمەنێن دیدارێ ب ڤیدیۆلینکێ ل خوارێ کلیلک بکە

https://youtu.be/UbVkM6INfYU?si=u_9HCRGpzyaopDhb

راگەهاندنا زانکۆیا دهۆک

رۆندک فاضل

فۆتۆ: هەرمان جانگیر