زانكۆیا دهۆک، ٢٤ـی تیرمەها ٢٠٢٥، نڤیسینگەها راگەهاندنا زانکۆیێ | پەیمانگەها چارەسەریا دەروونی و چارەسەریا تراومایێ (IPP) ل زانكۆیا دهۆک (UOD) ب فەرمی پرۆسەیا پێشكێشكرنێ بۆ پرۆگرامێ ماستەرێ د چارەسەریا دەروونی و چارەسەریا تراومایێ دا ب هەڤپشکی دگەل زانکۆیا بادن ڤۆرتیمبێرگ یا ئەلمانی، بۆ سالا خواندنێ ٢٠٢٥-٢٠٢٦ رادگەهینیت.

ئەڤ پرۆگرامێ تایبەت بیاڤێن گرنگ یێن تەندروستیا دەروونی شرۆڤەدكەت، و راهێنانەكا ئەكادیمی و پراكتیكی یا پێشكەڤتی بۆ دەرچوویان و پیشەوەرێن بیاڤێن پەیوەندیدار پێشكێش دكەت. دگەل گرنگیا جیهانی یا تەندروستیا دەروونی، ئەڤ پرۆگرامە دەرفەتەكا تایبەت پێشكێش دكەت بۆ پشكداریكرنا بەرچاڤ د خۆشگۆزەرانیا یا تاكەكەسی و جڤاكی دا.

ماوێ پێشكێشكرنێ

پێشكێشكرن دێ ژ ٢٤ـی تیرمەهێ هەتا ١٧ـی تەباخا ٢٠٢٥ـێ بەردەوامبیت.

ژمارا کورسیكێن بەردەست د وەرگرتنا پارالێل دا: ٣٠ کورسیکن.

پێشكێشكرنا زویتر باشترە ژبەر سروشتێ پرۆگرامی یێ پێشبرك و ژمارا سنووردار یا دەرفەتان.

پرۆسەیا پێشكێشكرنێ
پرۆسەیا پێشكێشكرنێ چار پێنگاڤێن سەرەكی بخۆڤەدگریت:

١. سەرەدانا دەستپێكی بۆ پەیمانگەهێ: پێدڤیە پێشكێشكار سەرەدانا پەیمانگەها چارەسەریا دەروونی و چارەسەریا تراومایێ بكەت. د ڤێ سەردانێ دا، ئەو دێ:

• فۆرما پێشكێشكرنا كاغەزی پڕكەت
• كۆدەكێ پێشكێشكرنا تایبەت وەربگریت یێ پێدڤی بۆ پۆرتالا ئۆنلاین

٢. پارەدانا مەزاختیێن تۆماركرنێ: پێدڤیە مەزاختیێن تۆماركرنێ ل رێڤەبەریا ژمێریاری یا ل سەرۆكاتیا زانكۆیێ بهێتەدان. پێشكێشكار دێ پسوولا پارەدانا فەرمی وەرگریت.

٣. بەلگەنامەكرنا یاسایی: پێدڤیە پێشكێشكار سەرەدانا رێڤەبەریا یاسایی یا زانكۆیێ بكەت دا كو پرۆسەیێن فەرمی تەمام بكەت. ئەڤان خالان دی بخۆڤەگریت:

• ئیمزاكرنا بەلگەنامەیێن یاسایی یێن پێدڤی
• پێشكێشكرنا سوزنامەیێن هەڤتەریب ل گەل سیاسەتێن زانكۆیێ

٤. تۆماركرنا ئۆنلاین: ب بكارئینانا كۆدێ پێشكێشكرنێ، پێدڤیە پێشكێشكار دەستگەهشتن بۆ سیستەمێ پێشكێشكرنا ئەلیكتۆرنی هەبیت دا كو:

• پێشكێشكرنا ئۆنلاین تەمام بكەت
• هەمی بەلگەنامەیێن پێدڤی ئەپلۆد بكەت

دەستگەهشتن بۆ پۆرتالا پێشكێشكرنا ئۆنلاین

بەلگەنامێن پێدڤی و رێنیشاندەر

بۆ تەمامكرنا پرۆسەیا پێشكێشكرنێ، پێدڤیە كاندید ڤان خالان پێشكێش بكەن و پیگیریێ پێ بكەن:

• فۆرمێن فەرمی یێن پێشكێشكرنێ (دێ ل پەیمانگەهێ هەبن)
• لیستا بەلگەنامەیێن پێدڤی بۆ وەرگرتن ل خواندنا بلند
• ڕێسایێن خواندنا بلند ژمارە ٣
• پێڤەرێن شیانداریێ یێن دیاركری ژ لایێ پەیمانگەها چارەسەریا دەروونی و چارەسەریا تراومایێ ڤە

ئەڤ بەلگەنامە ل پەیمانگەهێ دبەردەستن.

تێبینیێن دویماهیێ

پرۆگرام هاتیە دیزاینكرن بۆ ئاڤاكرنا نایابیا ئەكادیمی و شارەزایا پیشەیی د بیاڤێ چارەسەریا دەروونی و چارەسەریا تراومایێ دا، ب گرنگیدانەكێ ل سەر زانینا تیۆری، راهێنانا كلینیكی، و ڤەكۆلینێ. دەرچووی دێ ئامادە بن بۆ چارەسەركرنا كەیسێن ئالۆز یێن تەندروستیا دەروونی د چارچۆڤێن ناڤخۆیی و ناڤدەولەتی دا.

لینكێن گرنگ:

ڤێرە كلیك بكە بۆ خواندنا نڤیسارا رێنمایێن پیشكێشكرنێ

ڤێرە كلیك بكە بۆ بكارئینانا لینكێ پیشكێشكرنێ

ڤێرە كلیك بكە بۆ دیتنا بەلگەنامەیێن پیدڤی بۆ پیشكیشكرنێ

نڤیسینگەها راگەهاندنا زانکۆیێ، ٢٤ـی تیرمەها ٢٠٢٥ـێ