ئەڤرۆ رێكەڤتی 9/2/2022 و ب مەرەما ژ نێزیك هایداربوونێ لسەر رەوشا ئاكنجیبوونا قوتابیان و خزمەتێن بۆ دهێنە پێشكێشكرن و كارێن راگرتنا پاقژیا ڤان پشکا و كارێ رۆژانەیێ فەمانبەران، سەرۆكێ زانكۆیا دهۆك د. داوود سلێمان ئەترووشی سەرەدانا پشكێن ناڤخۆیی ل ناڤ كەمپا‌ زانكۆیێ‌ كر.

رێڤەبەرێ‌ پشكێن ناڤخۆیی م. مەردان ئەحمەد، دیاركر کو لدویڤ راسپاردێن سەرۆکاتیا زانکۆیێ، بەرهەڤی هاتینەكرن بۆ نویژەنکرن و بەرهەڤکرنا 17 هۆلێن خواندنێ‌ ل ناڤ ئاڤاهیێن پشكێن ناڤخۆییێن زانكۆیێ‌ كو قوتابی بۆ خواندنا خۆ دێ‌ مفای‌ ژێ‌ وەرگرن.

هەژی ئاماژەپێکرنێیە کو زانکۆیا دهۆک بەردەوام د فراوانبوونێ دایە و پشکێن نوی لێ دهێنە ڤەکرن و دەلیڤەیێن پتر بۆ قوتابیان تەرخاندکەت کو بەردەوامیێ بدەتە خواندنا خۆ پێشڤەبرنا شیان و شارەزاییێن خۆ بۆ داکو رۆلێ خۆ د جڤاکی دا بگێریت.