نامەکا ماستەرێ ب ناڤونیشانێ (پێشهاتێن سیاسی ل هەرێما کوردستانێ ١٩٩١-١٩٩٤) کو ژ لایێ قوتابی (هەلکەڤت عەبدولواحد) ڤە هاتیە نڤێسین، ئەڤرۆ رێکەڤتی ٢٦/٢/٢٠٢٢ ل سەنتەرێ رەوشەنبیری و جڤاکی یێ زانکۆیا دهۆک هاتە گەنگەشەکرن و پشتی هندەک گۆرانکارێن کێم، باوەرناما ماستەرێ پێ هاتە بەخشین.

ئەڤ نامە، کو بۆ پشکا مێژوو یا کولیژا زانستێن مرۆڤایەتی ل زانکۆیا دهۆک و ب سەرپەرشتیا د. خەلیل مستەفا ئەترووشی هاتبوو پێشکێشکرن، بۆ ماوێ نێزیکی سێ دەمژمێر و نیڤا هاتە گەنگەشەکرن و لیژنا گەنگەشێ ژی ب سەرۆکاتیا د. عەبدولفەتاح بۆتانی، سەرۆکێ ئەکادیمیا کوردی بوو و ب ئەندامەتیا هەرئێک ژ د. فەرهاد محەمەد حەسەن ژ زانکۆیا دهۆک و د. فاخر حەسەن ژ زانکۆیا زاخۆ.