وێنێن ئاهەنگا دەرچوونێ یا گەڕا ٢٩ یا قوتابیێن کۆلیژا پزیشکى یا زانکۆیا دهۆک، سالا خواندنێ ٢٠٢٣-٢٠٢٤.
کورتیەک ل دور کۆلیژا پزیشکى
كۆلیژا پزیشكی ل 1992.10.31 ل گهل دامهزراندنا زانكۆیا دهۆك هاتیه دامهزراندن. كۆلیژا پزیشكی ئێكه ژ گرنگترین سازیێن ئهكادیمی بۆ بهرههمئینان و بهرههڤكرنا نۆژداران بۆ كهرتێ ساخلهمیێ ل ههرێما كوردستانێ و عیراقێ، ل سالا خواندنێ 1992 - 1993 دهست ب وهرگرتنا قوتابیا كریه. ماوێ خواندنێ ل كۆلیژا پزیشكی شهش سالن، سالا شهشێ بۆ مهشقدانا كلینیكی كریاری دهێته تهرخانكرن، قوتابی باوهرناما بهكالۆریۆسێ ب زانستێن پزیشكی وهردگریت. تا نوكه (1438) نۆژدار ژ كۆلیژا پزیشكی دهرچووینه و د نوكه دا (907) قوتابی ل كۆلیژێ دخوینن و دهرچوویێن گهرا 29 (102) قوتابینه.
ل كۆلیژا پزیشكی چهندین تا و یهكه ههنه:
تایێ دل و هناڤا
تایێ نشتهرگهریا گشتی
تایێ نهخۆشیێن ژنان و زارۆكبوونێ
تایێ نۆژداریا زارۆكا
تایێ نۆژداریا خێزانی و جڤاكی
تایێ ئهناتۆمی، بایۆلۆژی و هیستۆلۆژی
ل سالا خواندنێ 2018 - 2019 بۆ ئێكهم جار سیستهمێ خواندنێ ل كۆلیژێ ژ سیستهمێ كلاسیك بۆ سیستهمهكێ نوی و پێشكهڤتی ب ناڤێ سیستهمێ ههڤتێكهلی INTEGRATED SYSTEM هاته گوهورین، ب ئارمانجا بلندكرنا ئاستێ زانستی و پیشهیی یێ دهرچوویێن كۆلیژێ. كۆلیژا پزیشكی ل سالا 2023 وهك ئێكهم كۆلیژا پزیشكی ل ههرێما كوردستانێ و سێیهم كۆلیژ ل عیراقێ پشتبهستنا تمام Full accreditation ژ جڤاتا نیشتیمانیا پشتبهستنێ NCAMC بدهستڤهئینا و وهكو كۆلیژهكا باوهرپێكری ژ لایێ فیدراسیونا ناڤدهولهتی یا فێركرنا پزیشكی WFME و دهزگههێ ECFMG دهێته هژمارتن.
راگەهاندنا زانکۆیا دهۆک:
حسێن تتمى
فۆتۆ: على بانکى، هەرمان جانگیر
بۆ دیتنا وێنەیێن ئاهەنگا دەرچوونێ سەرەدانا لینکێ ل خوارێ بکە:
https://drive.google.com/drive/folders/1R9tOmyjeoMbRqKGmPBO0jlV3G6cxDy2A?usp=sharing