7ـی خزیرانا 2026، نڤیسینگەها راگەهاندنا زانکۆیێ (UNPO) | زانکۆیا دهۆك ب خۆشحالی ڤە پڕۆگرامێ هاڤینی یێ لاوێن کورد 2026 بۆ کوردێن ل دیاسپۆرایێ رادگەهینیت، کو دەستپێشخەریەکا بێ وێنەیە و هاتیە دیزاینکرن بۆ لاوێن کوردی یێن ل ژ دەرڤەی وەلاتی (رەڤەەندا کوردی) دا کو دوبارە پەیوەندیێ ب کەلەپۆر، رەوشەنبیری، و نیشتمانێ خۆ ڤە بکەن.

• رێکەڤت 2–16ـی تەباخا 2026

پڕۆگرامێ هاڤینی یێ لاوێن کورد 2026 چیە؟

پڕۆگرامێ هاڤینی یێ لاوێن کورد 2026 ل زانکۆیا دهۆك گرنگیەکا مەزن هەیە د ب هێزکرنا ناسنامەیا رەوشەنبیری، پێشخستنا پەیوەندیێن جڤاکی، و پێگەهاندنا نڤشێ داهاتی یێ لاوێن کورد دا. ئەڤ پڕۆگرامە دەلیڤەکا تایبەت ددەتە لاوێن کورد یێن ل دەرڤەی وەلاتی دژین دا کو دوبارە پەیوەندیێ ب رەهـ و ریشاڵێن خۆ ڤە بکەن، کەلەپۆر و زمانێ زەنگین یێ کوردستانێ ببینن و تاقی بکەن، و پەیوەندیێن بەردەوام ل گەل هەڤالێن خۆ ژ سەرانسەری جیهانێ ئاڤا بکەن.

ب رێیا پێشخستنا ئالوگۆڕیا رەوشەنبیری، پەروەردە، و پشکداریا سڤیل، پڕۆگرام هەستەکێ کویرتر یێ سەر ب وەلاتی بوونێ گەشەددەت، د هەمان دەم دا، پشکداران هان ددەت کو ببنە هاریکارێن کارا د ئاڤەدانکرنا کوردستانێ دا و ببنە بالیۆزێن رەوشەنبیریا کوردی ل سەر ئاستێ جیهانێ.

پڕۆگرام چ ب خۆ ڤە دگریت؟

پشکدار دێ ژ ڤان خالان مفادار بن:

* تۆمارکرنا بێ بەرامبەر

* ئاکنجیبوونا تەمام (ب پێدڤیێن خۆ ڤه)

* هاتن و چوونا ناڤخۆیی

* گەشتێن رێکخستی بۆ جهێن مێژوویی، رەوشەنبیری، و دیمەنێن جوان ل سەرانسەری کوردستانێ، کو ئەزمۆنەکا راستەوخۆ یا کەلەپۆر و جوانیا سروشتی یا هەرێمێ ددەتە وان.

هیڤیە تێبینیێ بکەن: ژەمین خوارنێ یێن رۆژانە، و پلیتێن فڕۆکەیی یێن ناڤدەولەتی بۆ کوردستانێ و ژ کوردستانێ نەهاتینە هەژمارکرن و پێدڤیە پشکدار ب خۆ وان دابین بکەن.

مەرجێن وەرگرتنێ (پشکداریکرنێ)

بۆ پشکداریکرنێ د پڕۆگرامێ هاڤینی یێ لاوێن کورد دا، پێدڤیە پێشکێشکار ڤان مەرجان ب خۆ ڤە بگریت:

* ب رەچەلەك د کورد بن و ژیێ وان د ناڤبەرا 17 بۆ 23 سالیێ دا بیت.

*ب کێمی ڤە ئێک ژ دەیک و بابان کورد بیت.

* حەزەکا راستەقینە هەبیت بۆ دیتن و ناسکرنا رەوشەنبیریا کوردی و ئارەزوویەکا زۆر هەبیت بۆ فێربوون، پشکداریکرن، و گرێدانا پەیوەندیێ ب کەلەپۆرێ خۆ ڤە.

تۆمارکرن

بۆ تۆماركرنێ سەرەدانا لینكی ل خوارێ بكە:

ڤێرە كلیك بكە بۆ تۆماركرنێ

دەرگەهێ تۆمارکرنێ یێ ڤەکریە تا 12ـی تیرمەها 2026.

ئەم گەنجێن کورد یێن شیان هەی ل سەرانسەری جیهانێ هانددەین کو داخوازنامەیان پێشکێش بکەن و پشکداریێ د ڤێ ئەزمۆنا رەوشەنبیری و پەروەردەیی یا زەنگین دا بکەن.

بۆ زانیاریێن زیدەتر، پەیوەندیێ ب مە بکەن:

[email protected]

009647518458362

ئەڤێ هاڤینێ ل گەل مە بن و کوردستانێ ب رێیا فێربوون، رەوشەنبیری، هەڤالینی، و گەڕیانێ بینن و ناس بکەن.