٢٥ـی چریا دووێ، ٢٠٢٥، نڤیسینگەها راگەهاندنا زانکۆیێ | زانكۆیا دهۆك ب ڕێیا کۆلیژا زانست، پشکا زانستێن کۆمپیوتەری، دەستپێکرنا خۆلەکا ڕاهێنانێ یا تایبەتمەند یا ٤ ڕۆژی د بیاڤێ ژیرییا دەستکرد (AI) دا رادگەهینیت، ل ژێر ناڤ و نیشانێن:
"ژیریا دەستکرد د پراکتیكێ دا: داهێنان د شێوازێ کارکرنێ، فێربوونێ و ئافراندنێ دا"

ئەڤ خۆلە هاتیە دیزاینکرن بۆ ئاڤاکرنا شیانان، ب هێزکرنا شارەزاییێن دیجیتاڵی، و پشتەڤانیکرنا ئاراستەیێ زانكۆیێ بەرەڤ ڤەگوهاستنا دیجیتاڵی د کارێن کارگێری و ئەکادیمی دا.

زانیاریێن خۆلێ:

• ڕێکەڤت: ٩-١٢ـی کانوونا ئێکێ ٢٠٢٥
• دەم: ١٠:٠٠ سپێدێ – ٠١:١٥ نیڤرۆ

تەوەرێن خولێ:

• ئەندازیاریا پرۆمپتان (فەرمانان) (Prompt engineering) و نڤیسینا پیشەیی.
• شیکارکرنا داتایان و بەرچاڤکرنا وان (Visualization) ب کارئینانا ژیرییا دەستکرد.
• ئافراندن ب ڕێیا ژیرییا دەستکرد یا بەرهەمهێنەر (Generative AI) وەک (دیزاین، وێنە و ڤیدیۆ).
• ڤەکۆلین و ئاشنابوون ب ئامرازێن ژیرییا دەستکرد د بیاڤێن پیشەیی یێن جودا دا.

خۆل دێ ژلایێ تیمەکا ڕاهێنەرێن تایبەتمەند ڤە ژ پشکا زانستێن کۆمپیوتەری هێتە پێشکێشکرن.

بهایێ تۆمارکرنێ:

• بهایێ گشتی: ١٠٠,٠٠٠ دینارێ عیراقی.
• بهایێ تابەت بۆ ستافێ زانكۆیا دهۆك: ٧٥,٠٠٠ دینارێ عیراقی.

تۆمارکرن:
بۆ خۆتۆمارکرنێ ڤی لینکێ تۆمارکرنێ كلیك بكە.
دوماهیک ژڤان بۆ تۆمارکرنێ: ٤ـی کانوونا ئێکێ ٢٠٢٥.

باوەرنامە:
پشكدار دێ باوەرناما فەرمی یا بدوماهیئینانا خۆلێ بدەستخۆڤەئینن ژ زانكۆیا دهۆك.

نڤیسینگەها راگەهاندنا زانكۆیێ، ٢٥ـی چریا دووێ، ٢٠٢٥