زانكۆیا دهۆك تەندەرەكێ ڤەکری رادگەهینیت بۆ دیزاینکرن و ئاڤاکرنا وێبسایتێ پرۆژێ MOVE
زانكۆیا دهۆك بانگهوازهكا ڤهكری رادگههینیت بۆ گهشهپێدهرێن وێبسایتی و ئاژانسێن دیجیتاڵی یێن خودان شیان بۆ دیزاینكرن و ئاڤاكرنا وێبسایتێ فهرمی یێ پرۆژێ Erasmus+ MOVE ("بهێزکرنا شیانێن كاركرنا دهرچوویێن زانكۆیێ ب رێكا پێشئێخستنا كارامهییان و ههڤكاریا پیشهسازی ل ههرێما كوردستانا عیراقێ و یهمهنێ"). ئەڤە دهستپێشخهرییهكا ناڤدهولهتیه و گرنگیێ ددهته بهێزکرنا شیانێن كاركرنێ یێن دهرچوویان، داهێنانێ، و ههڤكاریا دناڤبهرا زانكۆیێ و كهرتێ پیشهسازی دا ل ناڤ دامهزراوهیێن ههڤپشك ل ههرێما كوردستانا عیراقێ و یهمهنێ.
ل دۆر وێبسایتی
وێبسایتێ پرۆژێ MOVE دێ وهكی سهنتهرهكێ دیجیتاڵی یێ سهرهكی كار كهت بۆ:
- بهلاڤكرنا چالاكیێن پرۆژهی، راپۆرت و دهرئهنجامێن ڤهكۆلینان.
- نیشاندانا ههڤپشكی و ههڤكاریێن ناڤدهولهتی.
- پێشخستنا دهلیڤهیێن راهێنانێ، چالاكییان، و ژێدهران.
- بهلاڤكرنا كارتێكرنا پرۆژهی بۆ لایهنێن پهیوهندیدار، قوتابیان، و بڕیاردهران.
ڤێرە كلیك بكە بۆ زانیاریێن زێدەتر
بهرپرسیارەتیێن سهرهكی یێن دابینكهرێ خزمهتگوزارییێ
دهێته چاڤهرێكرن كو گهشهپێدهرێ دهێته ههلبژارتن ڤان كاران ئهنجام بدهت:
- دیزاینكرن و گهشهپێدانا وێبسایتهكێ گونجای (Responsive) ل سهر بنهمایێ وۆردپرێس (WordPress).
- دابینكرنا تایبهتمهندییا فره-زمانی (ئینگلیزی، كوردی، عهرهبی).
- مسۆگهركرنا باشتركرنا لێگهڕیانێ (SEO) و پێگیریکرن ب پیڤهرێن دهستپێراگههشتنێ.
- گرێدانا ئامرازێن شیكاریێ، تایبهتمهندیێن ئێمناهییێ، و ئامرازێن تۆرێن جڤاكی.
- پێشكێشكرنا پاراستن و پاڵپشتییا تهكنیكی د ههمی قۆناغێن پرۆژهی دا.
وردهكاریێن گرێبهستێ
- ماوێ پرۆژهی: شواتا 2026 – شواتا 2029
- ژڤانێ دهستپێكرنێ یێ چاڤهرێكری: 30ـی ئادار 2026
- بلندترین كوژمێ بودجهی: 8,000 یۆرۆ (باج دناڤ دا یه، دگەل لێخۆشبوونێ ژ باجا بهایێ زێدهكری VAT ل جهێن پێدڤی)
چاوا پێشكێش بكهی
پێدڤیه كۆمپانی یان كهسێن شارهزا یێن ئارهزوومهند ڤان پێداویستیان پێشكێش بكهن:
- پرۆفایلێ رێكخراوێ و پورتفۆلیۆیا (كارێن پێشتر) یێن پهیوهندیدار.
- پێشنیارا تهكنیكی كو مێتۆدۆلۆژی و خشتهیێ دهمی دیار بكهت.
- ئۆفەرا دارایی.
- دوماهیك مۆلهت بۆ پێشكێشكرنێ: 12ـی ئادار 2026
- ئیمێلێ پێشكێشكرنێ: [email protected]
بۆ دیتنا ههمی تایبهتمهندیێن تهكنیكی، پیڤهرێن ههلسهنگاندنێ، و وردهكاریێن پێشكێشكرنێ، هیڤییه تەماشەی مهرجێن ئاماژهپێكری (Terms of Reference) د فایلێ PDF دا بكه. ڤێره کلیک بکە