زانكۆیا دهۆک، ١٧ـی ئیلۆنا ٢٠٢٥ـێ، نڤیسینگەها راگەهاندنا زانکۆیێ | زانکۆیا دهۆک ب رێیا سەنتەرێ شیرەتکارییا دەروونی و جڤاکی و خزمەتێن قوتابیان، ب خۆشحالی ڤە ڕادگەهینیت کو دێ ئێکەمین"کۆنفرانسێ خۆشگوزەرانیا قوتابیان ل ناڤا زانكۆیا دهۆك" هێتە سازکرن. د ڤی کۆنفرانسی دا دێ ٢٥٠ قوتابی ژ پسپۆریێن ئەکادیمی یێن جودا، دگەل مامۆستا و ڤەکۆلەران ژ هەرێما كوردستانێ - عیراق، ئەلمانیا و نەمسا کۆم بن.

ڕێکەڤت: ٢٥ـی ئیلۆنا ٢٠٢٥
جهـ: سەنتەرێ کۆنفرانسان
دەم: ١٠:٠٠ـی سپێدێ هەتا ٠٣:٠٠ـی ئێڤاری

ئەڤ چالاکیە دێ ل دۆر تەوەرێ خۆشگوزەرانيا قوتابیان بیت و دێ وۆرکشوپێن دناڤبەرا پسپۆریان بخۆڤەگریت کو دێ باس ل ئاستەنگ و چارەسەریێن سەرەکی کەن بۆ باشترکرنا ژیانا قوتابیان و سەرکەڤتنا وان یا ئەکادیمی. ئەنجامێن وۆرکشۆپان دێ د روینشتنا دوماهیێ دا هێنە پێشکێشکرن ب پشکداریا سەرکردایەتیا زانکۆیێ، خودان بڕیار و ئەکادیمیستان.

هاریكارێ سەرۆكێ زانكۆیێ بۆ كاروبارێن قوتابیان، د. نەبەز ئیبراهیم محەمەد، هەمی قوتابیێن خۆشتڤی هانددەت بۆ خۆتۆماركرنێ و پشكداریكرنێ د ڤێ هەلكەڤتا گرنگ دا، "ئەڤ كۆنفرانسە دەرفەتەكا گرنگە كو قوتابی دی گەنگەشا كێشە و ئاریشە و ئۆمێدێن خۆ د ناڤا كەمپا زانكۆیێ دا كەن. هەروەسا، دێ بیتە دەرفەتەك بۆ رێزگرتنێ ل دەنگێ وان و پێشنیارێن وان بۆ چارەسەركرنا وان ئاریشە و كێشەیان."

ئەڤ کۆنفرانسە د چارچۆ/ێ پرۆگرامی RESI و ب پشتەڤانیا دەزگەهێ ئەلمانی یێ ئالوگۆڕا ئەکادیمی (DAAD) و ب پالپشتیا دارایی یا وەزارەتا دەرڤە یا فیدرالیا ئەلمانیا دهێتە ڕێکخستن، کو ئەڤە ژی پابەندیا زانکۆیا دهۆک ب کوالیتیا ئەکادیمی، بخۆڤەگرتن و هەڤکاریا ناڤدەولەتی دوپات دکەت.

بۆ خۆتۆمارکرنێ ب رێیا فۆرما گۆگلی:ڤێرە کلیک بکە

نڤیسینگەها راگەهاندنا زانکۆیێ، ١٧ـی ئیلۆنا ٢٠٢٥ـێ