زانکۆیا دهۆک – 13ـی نیسانا 2026 | نڤیسینگەها راگەهاندنا زانکۆیێ (UNPO) —

ب هەلکەڤتا رۆژا جیهانی یا مۆنۆمێنت و جهێن شینواری، زانکۆیا دهۆک داخوازێ ژ ئەکادیمی و ڤەکۆلەران دکەت کو پشکداریێ د وێبینارا (TRANSITION) دا بکەن، کو ب هەلکەڤتا رۆژا جیهانی یا مۆنۆمێنت و جهێن شینواری 2026 هاتیە رێکخستن د چارچۆڤێ پرۆژێ TRANSITION یێ كو دهێتە پالپشتیكرن ژلایێ بەرنامێ ئيراسمۆس پلەس (Erasmus+) ڤە.

ئەڤ وێبینارە دێ ب رێکا ئۆنلاین (ئینتەرنێتێ) ل رۆژا 17ـی نیسانا 2026، ژ دەمژمێر 11:30 سپێدێ تا 12:30 نیڤرۆ (ب دەمێ ناڤخۆیی) ب رێکا پلاتفورما زووم (Zoom) هێتە ئەنجامدان.

تەوەرا وێبینارێ
ئەڤ روینشتنە دێ رۆلێ کەلەپۆرێ رەوشەنبیری د وان بارودۆخان دا گەنگەشە کەت یێن کو ب ئەگەرێ ململانێ، لاوازی و گۆهڕینێن جڤاکی کارتێکرن لێ هاتیە کرن، ب تایبەتی ل هەرێما کوردستانا عیراقێ و یەمەنێ. هەروەسا دێ زنجیرەیا پۆدکاستا (TRANSITION) ب ناڤێ "گەنگەشە دەربارەی کەلەپۆرێ رەوشەنبیری" دەتە نیاسین، کو کار دکەت بۆ پێشئێخستنا دیالۆگەکا ب ساناهی دەربارەی بهایێ کەلەپۆری د جڤاکێن هەڤچەرخ دا.

گرنگترین پەیڤدار و بەرنامەیێ کاری
د وێبینارێ دا دێ شارەزایێن ناڤدەولەتی یێن بەرچاڤ و هەڤپشکێن پرۆژەی پشکدار بن، ژ وان ژی:

• سیلڤیا مارکیۆنی، رێڤەبەرا بلند یا پرۆژان ل (UNIMED) - گۆتارا دەستپێكرنێ و پێشەکی.
• د. دلشاد عەبدولجەبار حەلیم، هاریكارێ سەرۆکێ زانکۆیا دهۆک و رێکخەرێ زانستی یێ پرۆژێ TRANSITION – پێشکێشکرنەک دەربارەی پرۆژێ TRANSITION.
• د. سۆنیا بۆمبیکۆ، ڤەکۆلەر ل زانکۆیا ئێڤۆرا – کورتەیەک دەربارەی پۆدکاستا TRANSITION: "گەنگەشە دەربارەی کەلەپۆرێ رەوشەنبیری".
• د. غیاس رەمۆ، ڤەکۆلەر ل زانکۆیا ساپینزا ل رۆما – دیالۆگ وەکو ئامرازەک بۆ تێگەهشتنا کەلەپۆرێ (نە)مادی: نموونەیا هەرێما کوردستانا عیراقێ.
• د. هەیفا مەکاوی، پرۆفیسۆر ل زانکۆیا عەدەن – کەلەپۆرێ زیندی ل یەمەنێ: باژێرێ عەدەن.

پشکداریکرن و خۆتۆمارکرن
هەر كەسێ حەزا پشكداریی هەی دشێت ب رێیا ڤی لینکێ ل خوارێ خۆ تۆمار بکەت بۆ پشکداریکرنێ د وێبینارێ دا:
https://us02web.zoom.us/webinar/register/WN_lnIqOn5HRCGISi6ZMLjArg#/registration
بۆ پەیوەندیکرنێ ب رێیا ئیمێلی: [email protected]

گرنگیا ستراتیژی
ئەڤ چالاکیە دگەل پلانا ستراتیژی یا زانکۆیا دهۆک (2023–2038) دگۆنجیت، ب تایبەتی د ڤان کارێن پێشینە دا:

• پێشئێخستنا هەڤکاریا ئەکادیمی یا ناڤدەولەتی.
• بهێزکرنا شیانێن ڤەکۆلینێ د قۆناغێن پشتی ململانێ دا.
• پشتەڤانیکرنا ئالۆگۆڕکرنا زانینێ یا ناڤدەولەتی و د ناڤبەرا پسپۆریێن جودا دا.

ب رێیا دەستپێشخەریێن وەکو TRANSITION، زانکۆیا دهۆک بەردەوامە د پشکداریکرنێ د بزاڤێن ناڤدەولەتی دا بۆ پاراستنا کەلەپۆرێ رەوشەنبیری و پێشئێخستنا دیالۆگێ د ناڤبەرا جڤاکان دا.

نڤیسینگەها راگەهاندنا زانکۆیێ – 13ـی نیسانا 2026