13ـی نیسانێ، 2026، نڤیسینگەها ڕاگەهاندنا زانكۆیێ (UNPO) | زانكۆیا دهۆک ب خۆشحالی ڤە ڕادگەهینیت کو نۆکە دەرگەهێ پێشکێشکرنێ بۆ پرۆگرامێ 'Honor' یێ ڤەکرییە، کو دەستپێشخەریەکا ڕاهێنانا ناڤدەولەتیە و هاتیە داڕێژتن بۆ پشتەڤانیکرن و پێشئێخستنا قوتابیان د قۆناغێن بەکالۆریۆس، ماستەر، و دکتۆرایێ دا.
ئەڤ پرۆگرامە ئەزموونەکا فێربوونێ یا دوو-قۆناغی پێشکێش دکەت کو مەرەم پێ بهێزکرنا شیانێن ئەکادیمی، پیشەیی، و ناڤ-کەلتوورییە.

پێکهاتەیا پرۆگرامی
قۆناغا ئێکێ: ڕاهێنان ب ڕێیا ئۆنلاین

• هەلبژارتنا 100 قوتابیان
• 40 دەمژمێرێن وانەگۆتنێ یێن چڕ ب ڕێیا ئۆنلاین

قۆناغا دووێ: ڕاهێنانا كو دێ هێته ئەنجامدان ل ئیتالیا

• باشترین 50 قوتابییێن قۆناغا ئێکێ دێ هێنە هەلبژارتن
• دێ پشكداریی د پرۆگرامەکێ ڕاهێنانێ بۆ دەمێ دوو حەفتییان دا كەن (ب گشتی 60 دەمژمێر)

تێچوویێ سکۆلەرشیپی (قۆناغا دووێ)
ئەو پشكدارێن دهێنە هەلبژارتن و دەربازی قۆناغا دووێ دبن، دێ سکۆلەرشیپەکا ب تەمامی پارەداركری بدەستڤەئینن، کو ڤان خاڵان بخۆڤەدگریت:

• گەشتا ناڤدەولەتی (چوون و هاتن)
• جهێ ئاکنجیبوونێ ل ئیتالیا
• پشکداریکرنا تەمام د چالاکییێن ڕاهێنانێ دا
• کرێیا خۆتۆمارکرنێ د پرۆگرامی دا
• باوەرنامەیا پشکداریکردنێ و/یان ب دوماهیئینانێ

مەرجێن پێشکێشکرنێ

• پێدڤیە ئاستێ پێشکێشکاری یێ زمانێ ئینگلیزی کێمتر نەبیت ژ ئاستێ (B2).

چەوانیا پێشکێشکرنێ
قوتابییێن حەز هەی دشێن داخوازنامەیێن خۆ ب ڕێیا ڤی لینکی پێشکێش بکەن:
https://luiss.formstack.com/forms/campus_arabo_mediterraneo_26

دوماهی ژڤان
20ـی نیسانـێ 2026

ئەڤ دەلیڤەیە دگەل دیتنا ستراتیژی یا زانكۆیا دهۆک دگۆنجیت بۆ پێشڤەبرنا ناڤدەولەتیکردنێ، ئالوگۆڕا قوتابیان، و ئاڤاکرنا شیانان، کو هێزێ ددەتە قوتابیان بۆ تێکەلبوونێ د ژینگەهێن ئەکادیمی یێن جیهانی دا.
نڤیسینگەها ڕاگەهاندنا زانكۆیێ، 13ـی نیسانێ 2026

پەیڤێن سەرەکی:
دەلیڤەیێن زانكۆیا دهۆک، پرۆگرامێن قوتابیێن ناڤدەولەتی ئیتالیا، ڕاهێنانا ب تەمامی پارەداركری بۆ قوتابیان ل ئیتالیا، ئالوگۆڕا قوتابیێن زانكۆیا دهۆک (UOD)، ناڤدەولەتیکردنا خواندنا بلند ل زانكۆیا دهۆک (UOD).