ب مەرەما دەستبکاربوونێ ب قۆناغا دووێ یا پرۆژێ زانکۆیا ئەلکترۆنی. ٤٥ فەرمانبەرێن کارگێری یێن زانکۆیا دهۆک بۆ ماوێ دوو رۆژا خولەکێدا پشکدارن.

ئەڤ خولە ژ لایێ شاندەکێ بسپۆرێ تەکنۆلۆژیا پێزانینا IT یێ وەزارەتا خواندنا بلند و ڤەکۆلینێن زانستی ب هەڤکاری دگەل رێڤەبەریاIT یا زانکۆیا دهۆک، بۆ فەرمانبەرێن میلاکاتا دهێە ئەنجامدان بۆ ئەلکترۆنیکرنا کاروبارێن کارگێری ل زانکۆیا دهۆک.

هاریکار ناڤشکی، رێڤەبەرێ IT ل زانکۆیا دهۆک لدۆر پێنگاڤێن قۆناغا داهی یا ڤی پرۆژەی گۆت: "خولا ڤێ جارێ لدۆر دۆسەیێن فەرمانبەرانە، کو دێ هەمی بنە ئەلکترۆنی، هەر کولیژەکێ دێ ئەدمنێ خو هەبیت و راستەوخۆ دۆسەیێن مامۆستا و فەرمانبەرێن کولیژا خۆ کەنە ئەلکترۆنی.

هاریکار ناڤشکی دیارکر ژی کو ئارمانج ئەوە زانکۆیا دهۆک ببیتە پێشەنگا هەمی زانکۆیان بۆ سەرکەڤتنا ڤی پرۆژەی، کو دێ خزمەتا زانکۆیێ و هەمی مامۆستا و فەرمانبەر و قوتابیان کەت.

دهێتە زانین ل دویماهیا سالا ٢٠١٧ێ، ئێکەم قۆناغ ژ ڤی پرۆژەی ب ئەلکترۆنیکرنا داهاتی و دەرچوویان دەستپێکربوو کو هەموو زانکۆیێن هەرێمێ ڤەگرتبوون.

د ڤێ پێنگاڤێ دا دێ هەمی کاروبارێن کارگێری، پاشی ژێدەرێن مرۆڤی هێنە ئەلکترۆنیکرن، لدویڤدا ئەڤ پرۆسێسە دێ پێزانینێن قوتابیان بخۆڤەگریت، ئانکو ئەڤ پرۆژەی ب هەڤڕایی دبیتە چوار قۆناغ.

د هێتە زانین هەر فەرمانبەرەک دشێت پێزانینێن خو ب رێکا ئەپلیکەیشنەکێ بزانیت، کو هەر ئێکی دێ ئەکاونت و پاسووردێ خۆ یێ تایبەت هەبیت، کو نەشێت چ گوهۆرینا تێدا بکەت، لێ دشێت هەر شاشیەکێ ب رێکا ئەدمنێن تایبەت راستڤەکەت.