هەلکەڤت

کۆلیژا پلانسازیا شار و هەرێمان رادگەهینیت کو دەرگەهێ پێشکێشکرنێ بۆ خواندنا ماستەرێ ل پشکا پلاندانانا جهی هاتە ڤەکرن

Oct. 8, 2026, 1:06 p.m.

زانکۆیا دهۆک – ٧ـی چریا ئێکێ ٢٠٢٦ | نڤێسینگەها ڕاگەهاندنا زانكۆیێ (UNPO) – پشکا پلاندانانا جهی ل کۆلیژا پلانسازیا شار و هەرێمان خۆشحالە ب ڕاگەهاندنا ڤەکرنا دەرگەهێ پێشکێشکرنێ بۆ بەرنامەیێ خواندنا بلند/ماستەر (M.Sc.) د پلاندانانا جهی دا .

پوختەیێ بەرنامەی:

ئەڤ بەرنامەیێ خواندنا بلند یێ دوو ساڵی پێکهاتیە ژ (120) یەکێن ئەکادیمی (ECTS) (نێزیکی 30 ECTS بۆ هەر سیمیستەرەکێ)، کو ڤەکۆڵینێ د ئاستەنگێن کۆمەڵایەتی، ئابووری، کەلتۆری، و ژینگەهی دا دکەت ئه‌وێن ڕووبڕووی پلاندانانا جهی دبن. ب تەکەزکرنەکا ب هێز ل سەر ستراتیژیێن گەشەپێدانا دۆمدار ل ئاستێن خۆجهی، هەرێمی، نیشتمانی و ناڤدەولەتی، ئارمانجا ڤی بەرنامەی ئاڤاکرنا کەسانێن پسپۆڕە.

پرۆگرامێ خواندنێ و راهێنانا کرداری:

پرۆگرامێ مە یێ خواندنێ دەلیڤەیەكا پرە ژ بابەتێن ئەکادیمی، بابەتێن تیۆری، ڕێکێن ڤەکۆلینێ، و ۆرکشۆپێن کارلێكەر.

  • تەوەرێن سەرەکی: ڕێبازێن پلاندانانا جهی، تیۆری و چەمك، ئامار و تەکنیکێن پلاندانانێ، گەشەپێدانا کۆمەڵایەتی-ئابووری، دیزاینا باژێڕی، ڤەگوهاستن، گەشەپێدانا هەرێمی، سیستەمێن زانیاریێن جهی و مۆدێلسازی، و سیاسەتێن دووبارە ئاڤاکرنێ د دەمێن قەیرانان دا.
  • وۆرکشۆپێن کرداری: تیۆری دهێتە بەرهەڤکرن بۆ پرۆسەیێن کرداری ب ڕێکا زنجیرەکا ورکشۆپێن پلاندانانێ. قوتابی تەکنیکێن برێڤەبرنا گرووپان، پێشکێشکرن، و شیانێن شیکارکرنێ ل سەرانسەری خولا تەماما پلاندانانێ بکار دئینن—ژ شیکارکرن و پلاندانانێ هەتا جێبەجێکرن، دویڤچوون، و هه‌ڵسەنگاندنێ ل سەر ئاستەنگێن راستەقینە یێن جهی.
  • زمانێ خواندنێ: هەمی بابەت و ئەزموونێن پرۆگرامی دێ ب تەمامی ب زمانێ ئینگلیزی هێنە ئەنجامدان.

پسپۆڕی و شیانا وەرگرتنێ:

ب گشتی (٦) کورسیێن تەرخانکری بۆ ڤی خولا ماستەرێ بەردەستن. قوتابی دێ دویڤچوونا پرۆگرامەکێ گشتی یێ ئێکگرتی د پلاندانانا جهی دا کەن و خۆ بۆ ئەزموونا گشتی یا شایستەیی (Competency Test) بەرهەڤ کەن، ڤەکۆلینا نامەیا ماستەرێ دێ د ئێك ژ ڤان پسپۆڕیان دا هێتە ئەنجامدان:

  • پلاندانانا دیمەنێ باژێڕی و ژینگەهی (Urban Landscape and Environmental Planning) — (٢ کورسی)
  • پلاندانان و سیاسەتێن ئاکنجیبوونێ (Housing Planning and Policy) — (٢ کورسی)
  • پلاندانانا بکارئینانا ئەردی و ڤەگوهاستنێ (Land Use and Transportation Planning) — (٢ کورسی)

تێبینی: ئەزموونا شایستەیی چەمکێن گشتی یێن پلاندانانا جهی ڤەدگریت؛ بابەتێن نامەیا ماستەرێ دێ ل دویڤ پسپۆڕیا دیارکری بن.

مەرجێن وەرگرتنێ و دەمێن گرنگ:

  • کرێ یێن خواندنێ: 5,250,000 دینارێن عیراقی بۆ هەر سالەکا خواندنێ
  • مەرجێ زمانێ ئینگلیزی: نمرەیا ئەزموونا شایستەییا زمانێ ئینگلیزی
    IELTS 5, Pearson Academic-PTE 52 ,TOEFL-iBT 59 ,TOEFL-PBT 414
  • دوماهی ژڤان بۆ پێشکێشکرنێ: ١٩ـی چریا ئێکێ ٢٠٢٦
  • دەستپێکرنا بەرنامەی: ٨ـی چریا دووێ ٢٠٢٦

لینکێن گرنگ:

لینکێ ل خوارێ كلیك بکە بۆ گەهشتن ب هەمی لینكێن گرنگ

https://linktr.ee/msc.spatial.planning :

نڤیسینگەها راگەهاندنا زانكۆیێ، ٧ـی چریا ئێكێ، ٢٠٢٦