30ـی خزیرانا 2026ـێ | نڤێسینگەها راگەهاندنا زانکۆیێ (UNPO) – کۆلێژا پلانسازیا شاڕ و هەرێمان (CCRP) ل زانکۆیا دهۆک (UOD) ب دلخۆشی ڤە ڕادگەهینیت کو دێ سمینارەکا ناڤدەولەتی كەت ب ناڤونیشانێ: "ئاڤاکرنا پاشەڕۆژا کوردستانێ: وانە ژ سوید ل دۆر پلانسازیا ل سەر بنەمایێ مرۆڤی، بۆماوەیێ كەلتۆری، و كوالیتيا شارسازی". ب گەرمی داخوازێ ژ هەمی مامۆستا، شارەزایێن پلاندانانێ، ڤەکۆلەر و قوتابیێن زانکۆیا دهۆک دکەين پشکداریێ د ڤێ هەلكەڤتا ئەکادیمی یا گرنگ دا بکەن.

ئەڤ سمینارە دێ ژ لایێ د. كريم نەجار ژ زانکۆیا كارلستاد (Karlstad University) ل وڵاتێ سوید هێتە پێشکێشکرن. ئەڤ سمینارە دێ ب شێوەیەکێ بەرفرەهـ تيشکێ ئێخیتە سەر نموونەیێن بەرجەستە و کرداری یێن باژێڕێن سويدێ، و کا چاوان ب سەرکەڤتیانە یاسایێن سەردەم یێن پلاندانانێ بکارئینانە، و ڕێیێن پلاندانانێ یێن ل سەر بنەمایێ مرۆڤی وەرگرتینە، و ستانداردێن تەلارسازیێ و ژینگەهێن باژێڕی یێن ب ڤی رەنگی ئاڤاکرينە ئەوێن ناسنامەیا خۆجهی و کەلتۆر و کەلەپۆری دپارێزیت.

پێزانینێن سمینارێ:

• ڕێکەڤت: ڕۆژا دووشەمبی، 6ـی تیرمەها 2026ـێ
• جهـ: هۆلا پێشمەرگە (ناڤەندا قوتابیان)، زانکۆیا دهۆك
• پێشکێشکار: د. کریم نەجار ژ زانکۆیا كارلستاد، سوید.

جهێ ئاماژەپێدانێ یە کو ئەڤ چالاكیە ڕەنگدانەڤەیا پابەندبوونا بەردەوام یا زانکۆیا دهۆکە بۆ بهێزکرنا هەڤکاریێن ئەکادیمی یێن ناڤدەولەتی و بلندکرنا شیانێن شیکاری یێن جڤاکێ پلاندانانێ.

دا ئەم پێكڤه‌ ل سەر ڕێڕەوێن پێشکەڤتی بەرەڤ گەشەپێدانا هەرێمی یا بەردەوام بگەڕیێین.

نڤیسینگەها راگەهاندنا زانكۆیێ، 30ـی تیرمەها 2026ـێ