زانکۆیا دهۆك، ١٥ـی چریا ئێکێ ٢٠٢٦، نڤیسینگەها راگەهاندنا زانکۆیێ (UNPO) | زانکۆیا دهۆك داخوازێ ژ قوتابیێن شایستە یێن بەكالۆریۆس و ماستەرێ ژ پشکێن پشکدار دکەت کو پشکداریێ د بەریكانا داهێنانا قوتابیان یا پرۆژێ ئێراسمۆس پڵەس (Erasmus+ TRANSITION) دا بکەن ل ژێر ناڤونیشانێ "کەلەپۆرێ کەلتۆری یێ خۆڕاگر".

ئارمانجا ڤێ بەریكانێ ئەوە کو هشیاریێ ل دۆر کەلەپۆرێ کەلتۆری یێ بەرجەستە و نەبەرجەستە یێ پێکهاتەیێن کێمینە ل هەرێما کوردستانا عیراقێ و یەمەنێ بەلاڤ بکەت، و هاندانا پشکداریێن داهێنەرانە بدەت بۆ پاراستنا کەلەپۆرێ کەلتۆری.

رێنمایێن پشکداریکرنێ:

- پشکدارێن شایستە: قوتابیێن بەکالۆریۆس و ماستەرێ ژ زانکۆیێن هەڤپشک د پرۆژێ TRANSITION و پشکێن پشکدار دا.

- شێوازێن پێشکێشکرنێ: ڤەکۆلین (پەیپەر)، ڤیدیۆ، پۆدکاست، هونەرێ بیناکی، موزیك، پۆستەر، وێنەگری، و کارێن دی یێن داهێنەرانە یێن پەیوەندیدار.

- پشکداری: بەرهەم دشێن ب شێوەیەکێ تاکەکەسی بن یان د تیمان دا (کو ژ دوو قوتابیان پتر نەبن).

- زمان: ب زمانێن ئینگلیزی، کوردی یان عەرەبی. ئەو کارێن ب زمانێ کوردی یان عەرەبی دهێنە پێشکێشکرن، پێدڤیە ناڤونیشانەکێ ئینگلیزی و کورتەیەکا ئینگلیزی یا کورت ژی بخۆڤەبگرن.

- رەسەنایەتی: پێدڤیە بەرهەمێن پێشکێشکری رەسەن (ئۆریجینال) بن و ب شێوەیەکێ راستەوخۆ گرێدایی بن ب کەلەپۆرێ کەلتۆری و کێمینەیان ڤە ل ژێر ناڤونیشانێ "کەلەپۆرێ کەلتۆری یێ خۆڕاگر".

- هەلبژارتن: زانکۆیا دهۆك دێ پرۆسەیەکا هەلبژارتنا ناڤخۆیی ئەنجام دەت و هەتا دوو قوتابیان بۆ قۆناغا دوماهیێ یا کۆنفرانسی کاندید کەت.

قوتابیێن هەلبژارتی دێ دەلیڤە بۆ هێتە رەخساندن کارێن خۆ د سێیەمین کۆنفرانسێ گشتی یێ پرۆژێ (TRANSITION) دا ل ژێر ناڤونیشانێ "کەلەپۆرێ کەلتۆری یێ خۆڕاگر" پێشکێش بکەن، کو دێ ژ لایێ زانکۆیا دهۆك ڤە ب هەڤبەشی دگەل کۆنفرانسێ دوماهیێ یێ TRANSITION هێتە مێهڤانداریکرن. رێکەڤتا دروست یا کۆنفرانسی دێ ب جودا هێتە

راگەهاندن.

هویرکاریێن پێشکێشکرنێ:

- دوماهی ژڤان بۆ پێشکێشکرنێ: ١ـی چریا دووێ ٢٠٢٦

- فۆڕما پێشکێشکرنێ: ڤێرە کلیك بکە بۆ ڤەکرنا فۆڕما فەرمی یا گۆگلی (Google Form) یا بەریكانا قوتابیێن TRANSITION

- بۆ پتر پێزانینان: پەیوەندیێ ب تیما TRANSITION ل زانکۆیا دهۆك بکەن ب رێیا ڤی

ئیمەیلی: [email protected]

داخوازێ ژ قوتابیان دکەین کو بەریا پێشکێشکرنا بەرهەمێن خۆ، بانگەوازیا فەرمی و مەرجێن پێشکێشکرنێ ب هویربینی بخوینن.

پرۆژێ Erasmus+ TRANSITION

پاراستنا کەلەپۆرێ کەلتۆری یێ بەرجەستە و نەبەرجەستە یێ پێکهاتەیێن کێمینە ل هەرێما کوردستانا عیراقێ و یەمەنێ

نڤیسینگەها راگەهاندنا زانکۆیێ، ١٧ـی چریا ئێکێ ٢٠٢٦