٨ـی چریا ئێکێ ٢٠٢٦، نڤیسینگەها راگەهاندنا زانکۆیێ (UNPO) | زانکۆیا دهۆك داخوازێ ژ قوتابیێن خۆ یێن بەکالۆریۆس و ماستەرێ دکەت بۆ پشکداریکرن د بەریكانا داهێنانا قوتابیان یا پرۆژێ (TRANSITION) ل دۆر کەلەپۆرێ کەلتۆری و کێمینەیان (CHM)، کو ل ژێر ناڤونیشانێ "کەلەپۆرێ کەلتۆری یێ خۆڕاگر" دهێتە ئەنجامدان.

بەریكانە هاندانا قوتابیان دکەت کو بیرۆکەیێن داهێنەرانە گەشە پێ بدەن و پێشکێش بکەن کو هشیاریێ ل دۆر گرنگیا کەلەپۆرێ کەلتۆری یێ بەرجەستە و نەبەرجەستە بەلاڤ دکەن، ب تایبەتی کەلەپۆرێ پێکهاتەیێن کێمینە، و پشکداریێ د گفتوگۆیێن تایبەت ب پاراستنا کەلەپۆرێ کەلتۆری دا بکەن.

قوتابی دشێن ب شێوەیەکێ تاکەکەسی یان د تیمان دا (کو ژ دوو قوتابیان پتر نەبن) پشکداریێ بکەن. بەرهەمێن پێشکێشکرنێ دشێن ب چەندین شێوەیێن داهێنەرانە بن، ژ وان ژی: ڤەکۆلین (پەیپەر)، ڤیدیۆ، پۆدکاست، هونەرێ بیناكی، موزیك، پۆستەر، وێنەگرتن، و کارێن دی یێن داهێنەرانە یێن پەیوەندیدار.

بەرهەم دشێن ب زمانێن ئینگلیزی، کوردی یان عەرەبی بهێنە ئامادەکرن. ئەو کارێن ب زمانێ کوردی یان عەرەبی دهێنە پێشکێشکرن، پێدڤیە ناڤونیشانەکێ ئینگلیزی و کورتەیەکا ئینگلیزی ژی بخۆڤەبگرن.

زانکۆیا دهۆك دێ پرۆسەیەکا هەلبژارتنا ناڤخۆیی ئەنجام دەت و هەتا دوو قوتابیان بۆ قۆناغا دوماهیێ کاندید کەت. قوتابیێن هەلبژارتی دێ دەلیڤە هەبیت کارێن خۆ د سێیەمین کۆنفرانسێ گشتی یێ پرۆژێ (TRANSITION) ل دۆر "کەلەپۆرێ کەلتۆری یێ خۆڕاگر" پێشکێش بکەن، کو دێ ژ لایێ زانکۆیا دهۆك ڤە ب هەماهەنگی دگەل کۆنفرانسێ دوماهیێ یێ پرۆژەی هێتە مێهڤانداریکرن. رێکەڤتا دروست یا کۆنفرانسی دێ ب جودا هێتە راگەهاندن.

- بۆ پتر پێزانینان، ل ڤی فایلێ PDF بنێڕە.

دوماهی ژڤان بۆ پێشکێشکرنێ: ١ـی چریا دووێ ٢٠٢٦

چەوانیا پێشکێشکرنێ: داخوازێ ژ قوتابیان دكەین کو بەرهەمێن خۆ ب رێیا فۆڕما

فەرمی یا گۆگلی (Google Form) یا تایبەت ب بەریكانا قوتابیان پێشکێش بکەن:

ڤێرە کلیك بکە بۆ ڤەکرنا فۆڕما فەرمی یا پێشکێشکرنێ

بۆ پتر پێزانین و پرسیاران، هیڤیدارین پەیوەندیێ ب تیما (TRANSITION) ل زانکۆیا دهۆك بکەن ب رێیا ڤی ئیمێلی: [email protected]

نڤیسینگەها راگەهاندنا زانكۆیێ، ٨ـی چریا ئێکی، ٢٠٢٦